سەرۆك بارزانی و سوودانی ڕەوشا سیاسی یا ئیراقێ و دەڤەرێ گەنگەشە كر
ڕۆژا دووشەمبێ 12 چریا ئێكێ یا سالا 2026 ل پیرمام، سەرۆك مەسعود بارزانی پێشوازی ل محەمەد شیاع سوودانی، سەرۆكوەزیرێن بەرێ یێ ئیراقێ و سەرۆكێ هەڤپەیمانییا ئاڤاكرن و گەشەپێدانێ كر.
د دیدارێ دا، گەنگەشە ل دۆر ڕەوشا سیاسی یا ئیراقێ و دەڤەرێ هاتە كرن و دوپاتی ژی ل سەر پێدڤییا تەمامكرنا پێكهاتەیا وەزاری یا حوكمەتا فیدرال و پشتەڤانیكرنا وێ هاتە كرن.
د پشكەكا دی یا كۆمبوونێ دا، باس ل دەنگدانێ ل سەر بودجەیا گشتی و دەركرنا یاسایێن پێدڤی، ل گەل چارەسەركرنا كێشەیێن د ناڤبەرا بەغدایێ و هەولێرێ دا ب ڕێكا دانوستاندنێ و تێكگەیشتنێ.
نێچیرڤان بارزانی، سەرۆكێ هەرێما كوردستانێ ژی پێشوازی ل سوودانی كر و د دیدارێ دا دوپاتی ل سەر گرنگییا بەردەوامییا دیالۆگێ د ناڤبەرا ئالییێن سیاسی دا هاتە كرن بۆ پاراستنا ئارامیێ و پێشڤەبرنا ئابۆری و خزمەتكرنا وەلاتییان هەروەسا هەردوو ئالییان ل سەر پێدڤییا هەماهەنگییا ئالییێن ئیراقی بۆ ڕووبڕووبوونا ئاستەنگێن قووناغێ و كارێ هەڤپشك دانوستاندن كرن.
مەسرور بارزانی سەرۆكێ حكومەتا هەرێما كوردستانێ د دیدارەكێ دا ل گەل سوودانی باس ل ئاستەنگێن دارایی و شایستەیێن هەرێمێ كر و مەسرور بارزانی دوپاتی ل سەر ڕێزگرتن ل قەوارەیێ دەستووری و دیاركرنا پشكا بودجەیا هەرێمێ بۆ سالا 2027 كر ب ڕەنگەكێ دادی و ل دووڤ ڕێژەیا 14% یا ئاكنجییان كو ئەنجامێ پەسەندكری یێ سەرژمێرییا گشتی یا سالا 2024ێ یە هەروەسا هەردوو ئالییان ل سەر گرنگییا هاریكاریی د ناڤبەرا ئالییێن سیاسی بۆ زێدەكرنا داهاتێ گشتی و خزمەتكرنا هەموو پێكهاتەیان بێ جوداهی هەڤڕا بوون.
