حەز دكەت جهەكێ تایبەت بۆ بەرهەمێن خوە ڤەكەت
زنار تۆڤی:
ئایە رەسۆل، كچەكا گەنجە بۆ دەمێ سێ سالانە ل دهۆكێ كارێن دەستی دكەت، د دیدارەكێ دا بۆ رۆژناما ئەڤرۆ دیاركر كو ئەو ژ دایكا خۆ فێربوویە كارێن دەستی و كارێ خۆ ب رێكێن ئۆنلاین دكەن.
ناڤهاتیێ گۆت: بۆ چێكرنا كارێن دەستی، ئەو دەرزی و بەندكا و دارا و گولان ب كار دئینن، ئەو گەلەك جۆرێن كارێن دەستی چێدكەن و ئەو كەلوپەلێن ئەو ب كار دئینن د گرانن، هندەك جاران ئەو ئامانان ژ دروست دكەن، هەروەسا هەتا رادەكێ كارێ وان باش بوویە، بەلێ ئەو نەشێن دەبارا ژیانا خۆ ب وی كاری بكەن، ل گەل هندێ ژی ئەو ل سەر كارێ خۆ د بەردەوامین، دیسان ئەز حەز دكەم پشتەڤانی ل كارێ مە بهێتە كرن، ب تایبەتی ژی ئەو كچێن د ڤی واری دا كار دكەن، هەروەسا ئەز حەز دكەم، جهەكێ تایبەت ژی بۆ بەرهەمێن خوە ڤەكەم و دبێژمە هەموو كچان كو ئەو ب خوە بۆ كار بكەن و بۆ خۆ داهاتەكی پەیدا بكەن و هاریكاریا خێزانێن خۆ ژی بكەن.