داخوازێ ژ خانمان دكەت پرۆژەیێن بچووك ڤەكەن
عەزیز هەورامی:
شەپۆل عوسمان، خانمەكا دەسترەنگینا خەلكا هەلەبجەیە، د دیدارەكێ دا بۆ رۆژناما ئەڤرۆ دبێژیت: ئەز دەرچۆیا پەیمانگەها تەكنیكی مە، دەمەكە ئەز ڤی كاری دكەم، ب تایبەت چێكرنا شەمالكان و پشتی ئەز دفرۆشم دشێم هەتا رادەیەكی هاریكاریا خێزانا خوە بكەم، لەورا ب كارێ خوە یا سەربلندم.
هەروەسا گۆت: هەر تشتەكێ ئەز چێدكەم ب رێیا ئۆنلاین نیشاددەم و بكڕ ژ هەموو باژێرێن كوردستانێ داخواز دكەن و ئەز بۆ وان رەوانە دكەم، هەروەسا ئەز داخوازێ ژ هەموو خانمان دكەم هەر ئێك پشتبەستنێ ل سەر خوە بكەت و پرۆژەیێن بچووك ڤەكەن و بلا دپشت راستبن دێ هەر رۆژەك هێت سەركەفتنێ ب دەستڤەئینن و پرۆژەیێ وان دێ مەزن بیت.