داعش زانایه‌كێ ناڤدار گولـله بارانكرن
ئه‌ڤرۆ نیۆز، قائید میرۆ:
تیرۆرستێن داعش ل سه‌نته‌رێ باژێڕێ مووسل زانایه‌كێ ئاینی گولـله‌بارانكر و هه‌ر ئێڤاریا ئه‌ڤرۆ ته‌رمێ وی راده‌ستی كه‌س و كارێن ویكرن.
غه‌یاس سورچی، كارگێڕێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ تیۆرستێن داعش گۆتارخوینێ مزگه‌فتا شوكاف بناڤێ حاجی عه‌بدولڕه‌حمان ئێكه ژ زانایێن به‌رنیاسێن باژێڕێ مووسل و چه‌ندین پرتووك لدۆر زانستێ ئیسلامی به‌لاڤكرینه”.
سورچی دیاركر” ئه‌گه‌رێ كوشتنا ئه‌ڤی زانای بۆڤێ چه‌ندێ ڤه‌دگه‌ڕیت، ناڤهاتی دژی سیاسه‌ت و ره‌فتارێن تیرۆرستێن داعشبوویه و پشتی نڤێژا ئێڤاری ته‌رمێ وی زانای راده‌ستی كه‌س و كارێن وی هاتیه كرن و داعش ب كه‌س و كارێن وی راگه‌هاند بێ به‌هی بهێته ڤه‌شارتن.
