ده‌رمالێن خودان پلێن تايبه‌ت و رێڤه‌به‌رێن گشتى و رێڤه‌به‌رێن يه‌كێن ئيدارى هاتنه راگرتن
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى ئابوورى د رێيا نڤيساره‌كا فه‌رمى دا راگه‌هاند كو هه‌موو ده‌رمالێن رێڤه‌به‌رێن گشتى و خودان پلێن تايبه‌ت و رێڤه‌به‌رێن يه‌كێن ئيدارى هاتنه راگرتن.
ب گۆره‌ى ڤێ نڤيسارا فه‌رمى كو دانه‌ك بۆ ئه‌ڤرۆ نيوز ره‌وانه‌كريه هاتيه كو ب گۆره‌ى نڤيسارا فه‌رمى يا وه‌زاره‌تا دارايى يا ژماره 10 و ب پشت به‌ستن ل سه‌ر نڤيسارا وه‌زاره‌تا دارايى يا ژماره 61 ل 21\12\2015 بڕيار دا ب:
1- بڕيار دا ب روه‌ستاندنا ده‌رماله و مه‌زاختيێن هه‌موو خودان پلێن تايبه‌ت و رێڤه‌به‌رێن گشتى و خودان يه‌كێن ئيدارى “پارێزگار و جێگرێ پارێزگار و قايمقام و رێڤه‌به‌رێ ناحيێ” كو د “معموم”ن ل سه‌ر ميلاكێ وان.
2- پۆلينا ل سه‌رى دياركرى ب تنێ دێ مووچێ بنه‌ره‌ت و پلا وه‌زيفى بۆ هێته مه‌زاختن.
3- كار ب چو نڤيسار و فه‌رمانێن دى ناهێته كرن ژبلى ڤێ فه‌رمانێ.
ئاماژه ب وێ چه‌ندێ ژى كريه كو ئه‌ڤ بڕياره ژ رێكه‌فتى 1\1\2016 كه‌ڤيته وارێ بجهئينانێ.
