دو پارتێن کـوردی ل باکـور بڕیارەکـا گـرنگ ددەن
دو پارتێن کوردی ل باکورێ کوردستانێ دیار کرن وان بریار داینە کو وەکو ئێک پارتا سیاسی پێکڤە کار بکەن دا بشێن ل تورکیا ژ بۆ بدەستڤەئینانا مافێن رەوا یێن گەلێ کورد کارێن گرنگ بکەن.
سەرۆکێ پارتا ماف و ئازادیان دوزگوون قاپلان د داخۆیانیەکێ دا بۆ دەزگەهێن راگەهاندنێ دیار کر، پێدڤیا کوردان ل تورکیا ب ئێکگرتنێ هەیە، دڤێت هەموو هێز و ئالیێن سی یێن کوردی ل تورکیا و باکورێ کوردستانێ پێکڤە کار بکەن دا بشێن ب هێزەکا نوو کار بۆ چارەسەرکرنا پرسا کوردی بکەن.
ل ئالیێ دی مەتین پیرانی سەرۆکێ بزاڤا ئازادی ژی راگەهاند وان بریار داینە هەموو ببنە ئەندامێن پارتا ماف و ئازادیان و ئێدی بزاڤا ئازادی نامینیت و ئەو دێ ل ژێر ناڤێ پارتا ماف و ئازادیان پێکڤە کار بۆ چارەسەرکرنا پرسا کوردی ل تورکیا کەن
