دەنگێن بەرزە د ژێر سیبەرا پرۆگرامێن هونەری دا
هەرهین محەمەد
هونەر و مۆزیک هەردەم خودیکا جڤاکی و زمانێ رۆحێ بووینە، و جیهانا عەرەبی و جیهانی ب رێکا پرۆگرامێن مەزنێن جیهانی وەک (The Voice) شیانە نەکو بتنێ بەرێ خەلکی ب کێشن و ب بوونە ئەگەرەک بۆ ئاشکراکرنا بەهرەمەندێن نوی و ڤەگواستنا وان بۆ قۆناغەکا پیشەیی. بەلێ ئەگەر سەحکەینە دیمەنێ هونەری ل جڤاکێ مە، دێ بینین کو مە بەهرەمەندێن گەلەک ژێهاتی و دەنگخۆش هەنە کو ژبەر نەبوونا پرۆگرامێن ب ئەڤی ئاستی، ژێر ئاخ بووینە و بەرەڤ هندابوونێ دچن.
ئێک ژ مەزنترین جوداهییان د ناڤبەرا پرۆگرامێن جیهانی و بزاڤێن ناڤخۆیی دا، ئاستێ بەرهەمهێنانێ و پێگەهاندنێ یە. د پرۆگرامەکێ وەک (The Voice) دا، ئارمانج بتنێ ئینانا کەسەکێ و دانا مایکەکێ نینە دەستێ وی؛ بەڵکو پرۆسەیەکا درێژا ڕاهێنانێ، سازکرنا دەنگی، نەئینانا تیپێن مۆسیقی یێن پیشەیی، و بکارئینانا تەکنۆلۆژیایا پێشکەفتییا دەنگ و ڕووناهیێ یە. ئەڤ پێکهاتەیەکە ڕێكێ ددەتە بەهرەمەندی کو هەموو شایستەیی و جۆش و خروشا خۆ د سەر ستەیجێ دا دیاربکەت. مخابن ل دەڤەرا مە، زۆربەیا کارێن دبنە ناڤێ پشتەڤانیکرنا هونەری، د کویرن و سادەنە، و بێی کو هیچ بنەمایەکێ ئەکادیمی یان ئامادەکارییا جدی ب خۆ ڤە بگرن.
کێماسیا ئێکەما مە دزڤڕیت بۆ نەبوونا «لیژنێن دادوەری» یێن پیشەیی. د پرۆگرامێن مەزن دا، دادوەر بخۆ هونەرمەندێن مەزنن کو دشێن ب هووربینی تیبینیا ل سەر شێواز، هەناسەدان، و تەکنیکا دەنگبێژیێ بدەن.
دکەتوارێ مە دا، گەلەک جاران دادوەریکرن دکەڤیتە دەستێ کەسانێن کو نەشێن پێشنیارێن زانستی بدەنە گەنجان، ئەڤە ژی دبیته ئەگەر کو گەنجێ بەهرەمەند ل شوینا گەشەکرنێ، بەرەڤ ئاڕاستەیەکێ شاش بچیت.
ژ لایەکێ دی ڤە، روویا سوتەمەنیا دارایی و میدیایی جوداهیەکا مەزن دروست دکەت. بوو پرۆگرامێن جیهانی بودجەیێن مەزن تەرخان دکەن و پشتی ب داوی هاتنا بەرنامەی ژی، کۆمپانیێن بەرهەمهێنانێ ئەلبۆم و کلیپان بۆ بەهرەمەندان چێکەن و وان دکەنە ستێر. بەلێ ل دەڤەرا مە، پشتی ئەڤ کەسە د ئێک دوو بەرنامەیێن بچووک دا دیاردبن، د دەرگەهێن میدیایێ دا تێنە ژبیرکرن و چ ئایندهک بۆ ناهێتە دەستنیشانکرن، کو ئەڤە ژی جۆرەکێ دڵشکاندن و هندابوونا ئیرادەیێ لنک گەنجان پەیدا دکەت.
بۆ هندێ کو ئەم ژی بگەهینە وێ ئاستی کو پرۆگرامێن مە بشێن دروستکەرێن ستێران بن، پێدڤییە ڕێبازا هونەری بهێتە گۆهوڕین. مە پێدڤی ب ئەکادیمیایێن هونەری و کۆمپانیێن بەرهەمهێنانێ هەیە کو ئامادەبن وەبەرهێنانێ د بەهرەیا گەنجان دا بکەن. دروستکرنا بەرنامەیەکێ هەڤشێوەی (The Voice) بتنێ شوێنکەفتنا شێوان نینە، بەڵکو ڤەکرنا پەنجەرەیەکە بۆ ڕوح و چاندنا ولاتەکێ هەتا ب ڕێکا موزیکێ ب جیهانێ ب هێتە ناساندن. هەتا ئەڤ هەنگاوە نەهێنە هاڤێتن، دەنگێن مە یێن زێڕین دێ هەر ل پشت دەرگەهێن مۆزیکێ مێنە بەرزە و بێ دەنگ.
