عەیشە شان، دەنگەک ژ خەمێ و ستوینەک ژ ڕەسەناتیێ
هەرهین محەمەد
د مێژووا هونەرێ کوردی دا، هندەک دەنگ هەنە بتنێ سترانێ نابێژن، بەلكو دبنە مێژوویا زیندی یا نەخۆشی و هیڤیێن گەلەکێ. عایشە شان، ئەو ژنا بێ تاج ئانکو کو ب دەنگێ خۆ یێ زەلال و کەسەر دار، سنوورێن زۆرداریێ بەزاندین و بوو هێمایەکێ نەمری یێ کلتورێ کوردی. عایشە شانێ ل باژێرێ ئامەدێ سەرێ خۆ بلند کریە، د ناڤ مالەکێ دا کو دەنگێ دەنگبێژان تەپ و سۆزا تێدا دزڤڕی. بابێ وێ کو دەنگبێژەکێ دیار بوو، ڕێکا هونەری تێدا چاند، بەلێ ڕێکا وێ یا ڕاستینە نە یا ب ساناهی بوو؛ د جڤاکەکێ نەریتی دا کو سترانبێژیا ژنان وەک تشتەکێ کێم دهاتە لێزێڕاندن، و د ژێر سێبەرا زۆرداریا سیاسی یا وێ سەردەمێ دا کو زمانێ کوردی قەدەغە بوو، عایشێ ڕێکا خەباتێ هەلبژارت.
دمژمێرێن تەمەنێ وێ ژ عەنتابێ بۆ ئەستەنبولێ، و ژ وێرێ بۆ تاراوگەها ئەڵمانیا و پاشان ئەزمیرێ، تژی بوون ژ نەخۆشی و کولان. مرۆڤ نەشێت بەحسێ عایشە شانێ بکەت بێی کو ناڤێ بئینیت؛ ئەو سترانا دل ئێش
پشتی وەغەرکرنا کچا وێ یا هەژدە هەیڤی (شاهناز) ئازار ژ ناڤاخۆیا دلێ وێ دا درۆست بووی، و بوویە سروودەک بۆ هەموو دایکێن کوردستانێ.عایشە شان بتنێ دەنگەک نەمایە، بەلکو بوو پرەک د ناڤبەرا پشتا جاران و نەڤیێن ئەڤرۆ دا. وێ نەهێلا زمان و مۆزیكا کوردی د ناڤ قۆناغێن گرانێن زۆرداریێ دا بەرزە ببیت.
هەرچەندە وێ وەسیەت کربوو کو پشتی مرنێ گیانێ وێ بزڤڕیننە ئاخا پیرۆز ئا ئامەدێ، لێ کەرب و دەستتەنگیێ نەهێلا ئەو ل باژێرێ ئەزمیرێ هاتە ڤەشارتن. ب ڤێ یەکێ ژی، عایشە شان بەردەوام بوو د غەریبیێ دا هەتا پشتی مرنا خۆ ژی.
سلاڤ ل رۆحا تە یا مەزن بن عایشە شان. تاج ل سەر سەرێ تە نەبوو، بەلێ تە تەختەکێ نەمر د ناڤ دلێ هەموو کوردەکێ ئازادیخواز و هونەردۆست دا چێکر.