دەڤەرا مە كانییا دەنگبێژانە
هەرهین محەمەد:
زێدان رێكانی، سترانبێژێ كوچكو دیوانان، د دیدارەكێ دا بۆ رۆژناما ئەڤرۆ گۆت: نە یێ ئاگەهدارم ژبلی من و شوكری رێكانی سترانبێژەكی دی ل گوندێ بێ سەپێ هەبیت و ئەز ژبنەمالا شوكری مە و ئێك ژحەزژێكەرێن دەنگێ وی مە، من گەلەك گوهداریا سترانێن وی كرینە و ل دەڤەرا رێكان گەلەك گەنجێن سترانبێژ هەنە وەكو هەژار رێكانی و لوقمان كاڤلكی و گەلەكێن دی و هندەك جاران ئەم دگەهینە ئێك و سترانا ب هەڤرا دبێژین.
هەروەسا گۆت: ژبلی كارێ سترانبێژیێ پێشمەرگەمە و ل ئەوێرێ كارێ خوە دكەم و سترانان ژی بۆ هەڤالان دبێژم و دبینم دەڤەرا رێكان كانیا سترانبێژو دەنگ بێژایە و گەلەك دەنگێن خۆش هەنە، بەلێ د ڤەشارتی نە و ئەوان نەڤێت خوە دیاربكەن بتنێ بۆ خۆشی سترانا دبێژن.
