د. كامه‌ران حه‌سه‌ن: د فلمه ڤیسته‌ڤالێ دا دڤێت گرنگی ب بیاڤێ ماركیتینكێ بهێته دان
دهۆك، زنار تۆڤی:
د. كامه‌ران حه‌سه‌ن، بسپۆره‌كه د بیاڤێ ماركیتینكێ دا ل هه‌ولێرێ، ل سالا 2019 پشكداری د په‌نه‌له‌كێ دا كربوو د بیاڤێ ماركیتینك و پیشه‌سازیا سینه‌مایێ دا ل فلمه ڤیسته‌ڤالا دهۆك یا نێڤده‌وله‌تی دا، د دیداره‌كێ دا بۆ رۆژناما ئه‌ڤرۆ ل دۆر گه‌را نه‌هێ یا فلمه ڤیسته‌ڤالا دهۆك یا نێڤده‌وله‌تی گۆت: دڤێت مه ستراتیژیه‌كا تایبه‌ت بۆ ب بازاركرنا فلمان هه‌بیت، هه‌روه‌سا فلمه ڤیسته‌ڤالا دهۆكێ پێدڤیه به‌رنامه‌كێ تایبه‌ت یێ ماركیتینكێ بۆ خوه بدانیت، هه‌روه‌سا ریكلامه‌كا باش بۆ ڤیسته‌ڤالێ بهێته كرن و پێزانیان ل سه‌ر ڤیسته‌ڤالێ ژی بده‌نه خه‌لكی، چونكی فلمه ڤیسته‌ڤالا دهۆكێ شیایه ل سه‌ر ئاستێ هه‌رێما كوردستانێ و ئیراقێ ببیته فیسته‌ڤاله‌كا سه‌ركه‌فتی و ناڤدار.
ناڤهات گۆت: بابه‌تێ ڤیسته‌ڤالێ و ماركیتینكێ بابه‌تێ دوور و درێژه و دڤێت ب رژدی كار ل سه‌ر بهێته كرن، چونكی ئه‌ڤه زانسته و نابیت بتنێ هزرێ ل هندێ بكه‌ین، كو باشترین سینه‌ماكاران داخواز بكه‌ین، لێ دڤێت ئه‌م گرنگییێ ب ماركیتینكێ بده‌ین و بشێین سه‌رنجا خه‌لكێ بۆ ناڤ فلمه ڤیسته‌ڤالێ رابكێشین، ل گه‌ل هندێ ژی دڤێت خه‌لك خوه دناڤ فلمه فیسته‌ڤالێ دا ب بینیت و ئێش و ئازار و هیڤی و خه‌ونێن خوه ژی دناڤدا ب بینیت، ئه‌ڤه ژی هه‌موو د وارێ ماركیتینكێ دا دهێته كرن.
