رێزان مزگینیەکێ د دەتە حەز ژێکەرێن دەنگێ خوە
ئەڤرۆ نیوز، رێوار مزیری:
سترانبێژا باکوورێ کوردستانێ (رێزان کازۆ) کو نوکە ل باژێرێ ئیستەنبۆلێ دژیت د دیدارەکێ دا بۆ ئەڤرۆ نیوز دیار کر کو نوکە وێ دو ستران تۆمارکرینە ئێک ژوان ل دۆر بابەتەکێ ئەڤینیێ یە و یا دی ژی فلکلۆرە و ل بەرە ئێک ژ وان سترانان د ڤێ ھەیڤێ دا و ئێکا دی ژی ل ھەیڤا ئادارا سالا داھاتی کلیپ بکەت و دووڤ دا دێ سترانەکێ ل دۆر بیک و زاڤایان کو بەری نوکە ل شەھیانان ھاتیە گۆتن ب شێوەکێ نوو تۆمار و کلیپ کەت و گۆت: “پشتی ڤان سترانان ئەز مزگینیێ د دەمە حەز ژێکەرێن دەنگێ خوە کو دێ بەرھەڤیان بۆ چێکرنا ئەلبۆمەکا نوو کەم، چونکی بۆ دەمێ چار سالانە من چو ئەلبۆم بەلاڤنەکرینە”.
ناڤھاتیێ ئاماژە دا وێ چەندێ کو داخواز ژ وەلاتێ ئەمریکا بۆ گێڕانا کۆنسێرتێن سەرێ سالا نوو ژ وێ ھاتیە کرن و ھەکە بەری سەرێ سالێ فیزا وێ یا وەلاتێ ناڤھاتی ھات ئەو یا بەرھەڤە بچیت کۆنسێرتان ل وی وەلاتی ب گێڕیت.