رێزگرتن و ڤیان دناڤا پرۆسەیا ههڤژینیێ دا زۆر كێم بوویه
هەولێر، قائید میرۆ:
پارێزهرەكی بۆ ڕۆژنامەیا ئەڤرۆ دیار کر کو رێز و ڤیان دناڤبەرا هەڤژینان دا كێم بوویه، هندهك حالهت ههنە ب سالا ئێكودو هێلایه، ئانکو تنێ گرێبهستا ههڤژینیێ دناڤبهرا واندا ههیه ئهگهر نه وهكی ههڤژین چو پهیوهندی پێكڤه نینه و گۆت؛ لێ ژبەر هندەک ئەگەران ژێکڤە نابن.
پارێزهر هاودهنگ شێخ جهمال، شارهزایێ قانوونێ بۆ رۆژنامەیا ئهڤرۆ دیار كر، ل گورهی ئهو شارهزایی و ئهزموونا دناڤا دادگههێن ههرێما كوردستانێ مه ههی، رێزگرتن و ڤیان دناڤا پرۆسا ههڤژینیێ زۆر كێم بوویه و گۆت؛ رۆژانه دناڤا دادگههان ئهم دبینین لسهر ئاریشهیێن زۆر بچویك و كێم ل ههمبهر خهلكی و دادوهری ههڤژین سفكاتیێ ب ئێكودو دكهن و ئاخفتنێن نه ژ ههژی دبێژنه ئێكودو، بشێوهیهكێ گشتی رێز و ڤیان نهمایه یان كێم بوویه دناڤبهرا ههڤژینان.
پارێزەری دیار کر کو هندهك حالهت ههبوون ب سالان ئێكودوو هێلایه، ئانکو تنێ گرێبهستا ههڤژینیێ دناڤبهرا واندا ههیه ئهگهر نه وهكی ههڤژین چو پهیوهندی پێكڤه نینه و گۆت؛ ئهز دشێم بێژم رێژهیهكا زۆر یا ههڤژینان ل ههرێما كوردستانێ تنێ لسهر کاغەزێ ههڤژینن و ئهو تام و چێژا بهرێ نهمایه دناڤبهرا ژن و مێرا.
شارەزایێ قانوونی دیار کر ژی، ههڤژینێن نوكه چو تامێ ژ پرۆسا ههڤژینیێ نابینن و مخابن پەیوەندیا ڤیانێ دناڤبهرا ههڤژینان زۆر یا لاوازە، ههر ژ دهستپێكێ ل وهلاتێن رۆژههلاتا ناڤین پرۆسا ههڤژینیێ یا سهركهفتی نهبوویە و وهكی چاڤلێکرن مایه و كچ و كوڕ لدووڤ چاڤلێکرنێ دچنە دناڤا پرۆسا ههڤژینیێ، ئانکو لسهر بنهمایێ رێز و ڤیانێ پرۆسا ههڤژینیێ ناهێته پێك ئینان، تنێ ژبهر هندهك حهزێن خۆ پرۆسا ههڤژینیێ پێکدئینن و ل دهمێ ئهو حهز نهمینن شهڕی ب ئێك دفرۆشن.
پارێزهری ئاماژه پێ كر ژی کو دهمێ رێز و ڤیان دناڤبهرا ههڤژینان نهما دێ بیته ئهگهرێ وێ چهندێ خیانهتێ ل ئێكودو بكهن، ئاریشهیێن زۆر پهیدا دبن نها دناڤا جڤاكێ كوردستانێ گەلەک زهلام ههتا دهمژمێر سێ و چاری شهڤێ یێن ل دهرڤه، رهنگه هندهك ئافرهت ژی ههبن ل دهرڤه بن هەتا درەنگی شەڤ و ئێكدو نابینن و پێكڤه روینشتن نینه، زێدهتر تامێ ژ دهرڤه دبینن نهك دناڤ خێزانێ یان دمالدا،
پارێزەری ئەو چەندە ژی دیار کر، بهرێ ئهگهر ههڤژینی لسهر بنهمایێ ڤیانێ ژی نههاتبا پێك ئینان یانژی بهری پرۆسا ههڤژینێ ئهڤینداری ژی نهكربیت، بهلێ د ههمان دهمدا رێزهكا زێده و تایبهت دناڤبهرا ژن و مێرا ههبوو و گۆت؛ ب دیتنا من مالا خهسویێ و خهزویری ئهگهرن بۆ ئهڤێ ساریا ناڤبهرا ههڤژینان و پهیدابوونا ئاریشهیان دناڤبهرا ههڤژینان، دهمێ ئاریشهیهك پهیدا دبیت ناچن پێك بینن بهرۆڤاژی زێدهتر ئاگری خۆش دكهن و ئاریشهیێن بچویك دهێنه مهزنكرن.
پارێزهر هاودهنگ شێخ جهمال د بەردەوامیا ئاخفتنێن خۆدا گۆت؛ جڤاكێ مه جڤاكهكێ عهشائیریه، لهوڕا زۆر ههڤژین ههنه چو ڤیانا ههڤژینیێ دناڤبهرا واندا نینه یانژی یێت ژ ئێكودو بێزار بوین، بهلێ ژبەر هندەک ئهگهران ههنه ژێكڤه نابن، ئهگهرهك بۆ ههبوونا ترسێ ڤهدگهڕیت ڤێجا گهف ژلایێ ههڤژینێ ژنێ بهێنه كرن یان كهس و كارێن ژنێ دترسیت بهحسێ تهلاقێ بكهت، حالهت ژی ههنه ژبهر خاترا زارۆكێن خۆ دهستا ژ ههڤژینێ خۆ بهرنادهت ههتا زارۆكێن خۆ ژ دهست نهدهت.
پارێزەری گتژی؛ هندهك ژن ههنه تنێ بناڤ ههڤژین ههیه و ژبهر بهرژهوهندیا زارۆكێن خۆ داخوازا تهلاقێ نهكریه و دووماهیێ ژی قوربانی داینه، چونكه حالهت زۆرن تووشی تاوانێن جودا و شاش بوویه.
