رێكخراوێن مه‌ده‌نی داخوازا ده‌ربازكرنا ڤێ قه‌یرانێ دكه‌ن
ئه‌ڤرۆ نیۆز، قائید میرۆ
هژماره‌كا به‌رچاڤ یا رێكخراوێن مه‌ده‌نی د یاداشته‌كێ دا داخوازێ ل هه‌رسێ سه‌رۆكایه‌تیێن هه‌رێمێ و لایه‌نێن سیاسی دكه‌ن، بگه‌هنه رێكه‌فتنێ بۆ ده‌ربازكرنا ڤێ قه‌یرانا نوكه یا هه‌رێما كوردستانێ ڤه‌گرتی.
مه‌سعود پالانی، چالاكڤانێ مه‌ده‌نی ب ئه‌ڤرۆ نیۆز راگه‌هاند” مه یاداشته‌ك بۆ لایه‌نێن په‌یوه‌ندیدار و سه‌رۆكایه‌تیا هه‌رێما كوردستانێ بلندكریه و بناڤێ 135 رێكخراوێن جڤاكێ سڤیل داخوازا ده‌ربازكرنا ڤێ قه‌یرانێ كریه، یاكو نوكه هه‌رێما كوردستانێ تێدا ده‌ربازدبیت و كاریگه‌ری كریه سه‌ر ژیانا وه‌لاتیان.
پالانی دیاركر، ئه‌ڤه بۆ ده‌مێ دو رۆژانه شانده‌كێ رێكخراوێن مه‌ده‌نی سه‌ره‌دانا لایه‌نێن سیاسی دكه‌ت و ئه‌ڤرۆ مه سه‌ره‌دانا هه‌ر ئێك ل مه‌كته‌بێن سیاسیێن بزاڤا ئیسلامی و حزبا چاكسازی و پێشكه‌فتنا توركومان و حزبا شیوعیا كوردستانێ كر و هه‌موویان رازیبوونا خوه نیشاندا بگه‌هنه رێكه‌فتنێ بۆ ده‌ربازكرنا ڤێ ره‌وشی.
هه‌روه‌سا گۆت” بڕیاره سبه سه‌ره‌دانا كۆمه‌لا ئیسلامی و مه‌كته‌با سیاسی یا پارتی دیموكراتی كوردستان بكه‌ین و یاداشته‌كێ بده‌ینه وانژی”.