رێژەیا دەنگێن ئاکپارتیێ کێم بوویە
کۆمپانیا سۆنار و چەندین کۆمپانیێن دی یێن راپرسیان ل تورکیا دیار کرن وان دەست ب راپرسیەکا بەرفرەه ل گەلەک باژێرێن تورکیا کرینە و هەکە نها ل تورکیا هەلبژارتن بهێنە کرن رێژەیا دەنگێن ئاکپارتیێ دێ ٣٢٪ بن و هەروەسا رێژەیا دەنگێن پارتا کۆماری ژی گەلەک نێزیکی ئاکپارتیێ بووینە.
ل گۆر راپرسیان رێژەیا دەنگێن دەم پارتی ژی نێزیکی ١٠٪ یە و پارتا بزاڤا نەتەوەپەرست ژی دێ ٧.٢٪ دەنگان بدەستڤە ئینیت.
چاڤدێرێن سیاسی ل تورکیا ژی دیار دکەن، ئێک ژ ئەگەرێن سەرەکی کو هەتا نها حوکمەتا تورکیا ب کریاری ژ بۆ چارەسەرکرنا پرسا کوردی چو نەکریە ژ بەر راپرسیانە، چونکی ئاکپارتی ل گۆر ئەنجامێن راپرسیان دڤێت کار بکەت، هەکە رێژەیا دەنگێن وێ کێم بن دبیت ب کریاری چو تشتەک وەسا نەهێتە کرن، چونکی ئاکپارتیێ نەڤێت پشتەڤانیا کەسێن نەتەوەپەرست ژ دەست بدەت، هەروەسا سازیێن سەر ب ئاکپارتیێ ژی بەردەوام راپرسیان دکەن و ئەنجامێن راپرسیان ژی بۆ ئەردۆغانی رەوانە دکەن.
