زاخۆ هاریكارهك بۆ تهلال ئهلبلۆشی دهستنیشان كر
زاخۆ،عەلی حاجی :
د داخویانیەکێ دا ئەندامەکێ دەستەیا کارگێریا یانهیا زاخۆ یا وەرزشی بۆ رۆژناما ئەڤرۆ دیار کر ئەو دگەل هاریکارەکێ بۆ راهێنەرێ وان گەهشتینە رێکەڤتنا دووماهیێ و چاڤەرێ قەتەریانە.
زێدەتر دلژار عەدنان گۆت: پشتی چوونا هاریکارێ راهێنەرێ بەرێ یێ تیما مه یا تهپاپێی دخولا ستێرێن ئیراقێ دا،هەر زوو مە دەست ب لێگەریانا هاریکارەکی کر و شیاین کەسەکێ باش دەستنیشان بکەین ب رەزامەندیا راهێنەرێ مە یێ قەتەری تەلال ئهلبەلوشی و وەکو کارگێریا یانێ ژی د رازینه ل سەر وی ئهوژی یێ ئێراقی موهەنەد عەدنان دەرجالە، لەوما دەرگەهێ دانوستاندنێ دگەل وی ڤەکر کو د نوکە دا ئێک ژ راهێنەرێن ئەکادیمیا ئەسپایەرا قەتەری یە، دەربارەیی هەمی تشتان دگەل وی راهێنەرێ ئێراقی گەهشتینە رێکەڤتنا دووماهیێ و بتنێ ئەم ماینە چاڤەرێ ی بەرسڤا ئەکادمیێ نه دا کو هەڤبەستێ دگەل ئیمزا کەین، ب هیڤینە ژی بەرسڤەکا ئەرێنی ژ ئەکادیمیێ بمە بهێتە دان و هەتا دو رۆژێن دیتر ئەڤ بابەتە دێ هێتە ئێکلاکرن، موهەنەد عەدنان خودانێ باوەرنامهیا پرۆ یا راهێنەریێ و بۆ دەما چەند سالایە راهێنەرە ل ئەکادیمیا ئەسپایەر و دێ شێت خزمەتەکا باش بۆ یانهیا زاخۆ کەت.
زێدەتر ناڤبری گۆت ژی: تیما مە ل سەر ڕێیەکا دروست دچیت و ناهێلین چو بوشاهی دروست بیت دناڤ تیمێ دا و پشتراستین دێ قۆناغێن باش دەربازکەین د خولا ستێرێن ئێراقێ دا.