زنار هشیار: د وەرزێ ئەڤ سالە دا دەلیڤەیەكا زێڕین ل پێشییا مە هەیە
د دیدارەكێ دا ستێرێ گەنج یێ یانەیا زاخۆ دیار كر بۆ قووناغا هەشتێ ژ خولا پیشەكارێن باسكێت بۆلا ئیراقێ بەرهەڤیێن باش دهێنە كرن و گەشبینن ببنە ئێك ژ تیمێن سەنگا خوە هەیی دناڤ خولێ دا.د دیدارەكێ دا ستێرێ گەنج یێ یانەیا زاخۆ دیار كر بۆ قووناغا هەشتێ ژ خولا پیشەكارێن باسكێت بۆلا ئیراقێ بەرهەڤیێن باش دهێنە كرن و گەشبینن ببنە ئێك ژ تیمێن سەنگا خوە هەیی دناڤ خولێ دا.زێدەتر زنار هشیار گۆت: ژبەر گیرۆبوونا وەرزێ ئەڤ سالە پرانییا تیمان بەرهەڤیێن باش هەبووینە هەروەسان ل دووڤ سیستەمێ هاتیە دانان د قووناغا كۆمان دا هەموو یانەیان ب یاریزانێن نافخۆ و گەنجان كرییە، ئەڤە ژی دەلیڤەیەكا گەلەك باش بوو، وەكو یانەیا زاخۆ ژی ب سەرپەرشتییا كادرێ ڕاهێنانێ یێ كوڕێن باژێری و هەموو یاریزانێن باژێری ئەم شیاین دەربازبوونەكا سەرفەراز ژ قووناغا كۆمان بۆ قووناغا هەشتێ بكەین، ئەڤەژی ب ئێگكرتنا كۆم یا یاریزان و شارەزاهییا كادرێ ڕاهێنانێ، یارییا بهێت بەرانبەر حللەیە ب سانەهی نابیت، لێ مە ئارمانجەك هەیە ئەوژی بۆ یارییەكێ بتنێ هزار سەركەڤتنێ بكەین.ناڤهاتی ئەوچەندە ژی گۆت: پێنەڤێت یاریێن قووناغێن دووماهیێ هەردەم ب زەحمەتن و تیمێن ب هێز دمینن، دبیت ئەركێ مە ب سانەهی نەبیت لێ یا د شیان دا بیت دێ هەڤڕكیێ بۆ ناسناڤێ ئیراقێ كەین و ئەڤە مافێ هەر یانەیەكێ یە، سەرباری هەڤڕكییا ناسناڤی بەرهەڤیێن باشتر و بهێزتر هەبن، ئەم تیمەكا گەنجین و خودان مۆرالەكا بلندین و هەموو بزاڤێن مە بۆ سەركەڤتنانە.دهێتە زانین باسكێت بۆلا زاخۆ شیا د قووناغا كۆمان دا ل ڕێزا دویێ ژ كۆما ئێكێ بهێت ب جووداهییا تۆماركرنا پۆینتان، خالێن وێ دگەل خودانا ڕێزا ئێكێ قارەمانا وەرزێ بۆری دیفاع ئەلجەوی 19 خال یا وەكهەڤبوو، لێ دەربازبوونا خوە بۆ قووناغا هەشتێ مسۆگەر كر، بڕیارە یارییا خوە یا ڤێ قووناغێ ل پێنج شەمبییا بهێت ل هۆلا ئەرمەن ببیتە مێڤانا یانەیا حللە ئەوا ل ڕێزا سێیێ هات د كۆما دویێ دا.
