سالانە رێژا بەرھەمئینانا برنجێ کوردی ل ئاکرێ زێدە دبیت
ئەڤرۆ نیوز ، رەمەزان ھەرنی:
برنجێ خومالیێ ئاکرێ کو سالانە ئەردەکێ مەزن بۆ چاندن و بەرھەمئینانا وی ژلایێ جوتیاران ڤە ل سەر رووبار و کانیێن ئاڤێ دھێتە دابینکرن و گۆت: “رێژا بەرھەمئینانا برنجێ کوردی ل ئاکرێ زێدەکریە”.
ئەحمد جەمیل، ریڤەبەرێ چاندنا ئاکرێ بۆ ئەڤرۆ نیوز دیار کر کو ل ئاکرێ شەش جۆرین برنجی دھێتە چاندن وەک (شەش مەھی ،پینج مەھی ،سێ مەھی ، کەس نەدیتی ،تحالف ،یەدری) کو باشترین جۆری برنجی کو پتری ھەمیان دھێتە چاندن برنجێ شەش مەھیە و گەلەک ل دەڤەرا سۆرچیان دھێتە چاندن .
ئەحمەدی خویا کر کو سال بۆ سالێ رووبەرێ چاندنێ بۆ برنجی زێدە دبیت ، وەک چاندن مەکینێن سپی کرنا پوشکی ل سەر جوتیاران بەلاڤکرینە ل گەل دروستکرنا دو جھێن تایبەت بۆ ھشککرنا برنجی و پاقژکرنێ کو ل سەر رووبەرێ ٥٠٠ مەترێن چار گوشە ھاتینە دروستکرن ب کونکریتی.
ناڤهاتی ئاشکرا کر کو ژبەر گرنگی دانا جوتیاران ب چاندنا برنجی بەرھەمی زێدەکریە و ھەتا شەش ھزرا تەنێن برنجێ کوردی ل ئاکرێ ھاتینە بەرھەمئینان.
