ستراتیژییا ئسرائیلێ ل هەمبەر ئیرانێ ژ یا ئەمریکا جودایە
مەیسەم مورادی بسپۆرێ کاروبارێن ئیرانێ دیار کر، راستە هەر دو وەلاتێن ئەمریکا و ئسرائیلێ بۆ دەمێ ٤٠ رۆژان پێکڤە شەرێ ئیرانێ کرن، لێ ستراتیژیا هەر دو وەلاتان ل هەمبەر ئیرانێ جوداهیا خوە هەیە، چونکی ژ بۆ ئسرائیلێ تنێ بابەت بەرنامەیێ ئەتۆمی یێ ئیرانێ نینە، ئسرائیلێ دڤێت بەرنامەیێ موشەکی یێ ئیرانێ ژی نەمینیت و هەروەسا گرۆپێن چەکدار یێن کو ئیران ب سالانە پشتەڤانیێ ل وان دکەت ژی مەترسیێن گەلەک مەزنن بۆ ئاسایشا ئسرائیلێ.
ناڤهاتی ئەو یەک ژی دیار کر، ژ ئەنجاما شەڕێ چل رۆژان و دۆرپێچا دەریایی یا ل سەر ئیرانێ نها رەوشا ژیانا وەلاتیان ل ئیرانێ گەلەک خرابە و هەکە رەوش وەسا بەردەوام بیت دێ رێژەیا هەژاریێ ل ئیرانێ گەهیتە چل ملیۆن کەسان و نها ژی رۆژ ب رۆژێ رەوشا ژیانا وەلاتیان ل ئیرانێ خرابە، ژ بەر ڤان ئەگەران و گەلەک ئەگەرێن دی ئسرائیل وەسا هزر دکەت دشێت بەردەوامیێ بدەتە سیاسەتا خوە یا گوهۆڕینا رژێما نها یا ئیرانێ.
