سروودا دلی
خانی سەبری
گوهێ خوە بدە دلێ من
چەوا بۆ تە دهێت لێدان
ئەو ئاوازەكێ بێ من
بۆ عشقا تە دكت ستران
ب هاتنا تە یارێ
ب سەرخۆشی د ژەنت
وەک گولەکا ل بهارێ
بۆ نیسانا تە دکەنت
::
تو وەك خەونەکا نەرمی
هش ب هشیاری بری
پێلە بایەك بەهەشتێ
هات خۆ تژی من كری
من چ ژ جیهانێ نەڤێت
تنێ بێهنا تە نەبیت
تو ئارامییا منی
كانیكی و عشق ژێ زێت
::
دەستێ تە لناڤ دەستێ من
دو هیڤی ب ئێك ڕێكن
بلا هەمی ڕۆژێن مە
ب ناڤێ تە دەسپێکەن
تو سادەیی و جوانی
سروودا سەر ئەزمانی
بلا لێڤێن مە بتنێ
شەڕابێ بۆ هەڤ تێكن
تو سپێدەهییەكا نوی
تەڤدا خوەشی و تەناهی
تە ب تیشکا چاڤێن خوە
روحا من كر ڕۆناهی
نە شەوقا هەیڤێ و نە ستێر
ناگەهنە کەنیا تە
ما چ هەیە ژ ڤێ جوانتر
کو تو د دلێ من دای
:
پەیڤ گونەهبار دبن
دەما دكەن وەسفا تە
تەڤ دەربڕین ساڕ دبن
بەرامبەر ڕاستییا تە
تە ڕوحا من گەرم کر
تێنێ ژ خۆ شەرم كر
ئەی فریشتەیا ژ ئەسمان
بۆ من بووی دیاری
بەری تە بێ تام بوو ژین
هەبوونا تە ب واتا كر.
