سه‌ره‌دانا مه بۆ قه‌ته‌ر پێنگاڤێن باش یێن پشته‌ڤانییا یانه‌یا زاخۆ هاڤێتینه
عەلی حاجی:
د داخویانیەکێ دا سەرپەرشتێ ئیدارەیا سەربەخویا زاخۆ بۆ رۆژناما ئەڤرۆ دیار کر د سەرەدانا شاندێ ئیدارەیا سەربەخوه‌یا زاخۆ دا بۆ وەلاتێ قەتەر پێنگاڤێن باش هاتینە هاڤێژتن ژ بۆ پشتەڤانیکرنا یانه‌یا زاخۆ و دبیت سەرەدانەکا دیتر بکەن بۆ وی وەلاتی.
زێدەتر گوهدار شێخۆ گۆت : پشتی مە دگەل شاندەکێ ژ ئیدارەیا سەربەخوه‌یا زاخۆ سەرەدانا وەلاتێ قەتەر کری، ل سەر ئاستەکێ بلند وان چەندین کۆمبوون دگەل بەرپرسێن وەرزشی یێن وی وەلاتی ئەنجامداینە و پشتی وان کۆمبوونان ژی لێک تێگەهشتنەکا باش د ناڤبەرا مە دا پەیدا بوویە پێخەمەتی هندێ ژ روویێ وەرزشێ ڤە ئەو وەلاتە ژ لایێ ماددی و مەعنەوی ڤە پشتەڤانیێ ل یانه‌یا زاخۆ بکەن دا کو پاشەرۆژێ دا یانه‌یا زاخۆ بشێت زێدەتر خوە ل سەر پێت خوە بگریت و هەڤرکیەکا باشتر ل سەر ناسناڤێن خول و قارەمانیان بکەت و ڕەنگە د ئایندەیەکێ نێزیک دا سەرەدانەکا دیتر یا وی وەلاتی بکەین پێخەمەتی هندێ ئەم بشێن پشتەڤانیەکا باشتر بۆ یانه‌یا زاخۆ پەیدا بکەین و ئەم هەمی پێکڤە کار بۆ ئه‌ڤێ یانه‌یێ بکەین.
ناڤبری گۆت ژی: وەکو حکومەتا هەرێما کوردستانێ و ئیدارەیا سەربەخوه‌یا زاخۆ بەردەوام پشتەڤانیا یانه‌یا زاخۆ کریە و د هەمی کاودانان دا دگەل وان دا بووینە و دێ هاریکاری و پشتەڤانیا مە ژی بەردەوام بیت و یانه ل سەر ڕێیەکا باش یا دەرباز دبیت.
