سەرۆكێ حوكمەتا هەرێمێ: دێ هەموو ب کارهێسانیان بۆ وەبەرهێنەرێن ناڤخوە و دەرڤە كەین
ل ڕۆژا چارشەمبی 14/10/2026، مەسرور بارزانی، سەرۆكێ حوكمەتا هەرێما كوردستانێ، پێشوازییا شاندەكێ هەڤپشكێ جڤاتا بازرگانی یا ئەمریكا – كوردستان و جڤاتا بازرگانی یا ئەمریكا – سووریێ كر.
د دەستپێكا كۆمبوونێ دا، دەیڤد تەفوری، سەرۆكێ جڤاتا بازرگانی یا ئەمریكا – كوردستان، ب ناڤێ شاندی، خوەشحالییا خوە ب سەرەدانا هەرێما كوردستانێ نیشا دا و كورتییەك ژی ل دۆر ئارمانجا سەرەدانا وان بۆ كۆمارا سووریێ و هەرێما كوردستانێ بەرچاڤكر.
هەردو ئالییان دوپاتی ل سەر گرنگییا بهێزكرنا پەیوەندییێن هەرێما كوردستانێ و ئەمریكایێ و پێشڤەبرنا لڤینا بازرگانی و چالاكییێن كۆمپانییێن ئەمریكی و وەبەرهێنانا ئەمریكی ل هەرێما كوردستانێ كر.
سەرۆكێ حوكمەتا هەرێمێ، سەرەرای ئاماژەدان ب دووماهی پێشهات و گۆڕانكاریێن هەرێما كوردستانێ و ئیراقێ و دەڤەرێ ب گشتی، بەرهەڤییا حوكمەتا هەرێما كوردستانێ بۆ پێشكێشكرنا هەموو ساناهیئێخستنان بۆ وەبەرهێنەرێن ناڤخوە و دەرڤە د پێخەمەت پێشڤەبرنا وەبەرهێنانێ د كەرتێن جۆراوجۆر دا و دەستەبەركرنا دەلیڤەیێن كاری یێن پتر ل هەرێما كوردستانێ، دوپات كر.
