سەرۆكێ حوكمەتا هەرێمێ سوپاسییا هاریكاری و پشتەڤانییا ئێكەتییا ئورۆپا ل كوردستانێ كر

سەرۆكێ حوكمەتا هەرێمێ سوپاسییا هاریكاری و پشتەڤانییا ئێكەتییا ئورۆپا ل كوردستانێ كر

مەسرور بارزانی، سەرۆكێ حوكمەتا هەرێمێ پێشوازی ل تۆركیلد بیوگ، بەرپرسێ نڤیسنگەها پەیوەندیێن ئێكەتییا ئەورۆپا ل هەرێما كوردستانێ كر.
سەرۆكێ حوكمەتێ سوپاسییا هاریكاری و پشتەڤانییا ئێكەتییا ئورۆپا ل هەرێمێ كر و پێزانین بۆ رۆلێ تۆركیلد بیۆگ د پێشڤەبرنا پەیوەندیێن دو ئالیدا هەبوو.
بیۆگ، دووپاتی ل بەردەوامبوونا كار و چالاكییان و درێژدان ب هاریكاری و هەماهەنگیێ ل گەل حوكمەتا هەرێمێ كر.
د تەوەرەكێ دی یێ دیدارێدا، گەنگەشە ل دۆر بەرهەڤیێن هەلبژارتنێن پەرلەمانێ كوردستانێ هاتە كرن و ئاماژە ب گرنگییا پشكدارییا چاڤدێرێن نێڤدەولەتی و ئێكەتییا ئورۆپا هاتە كرن، بۆ ئەوێ چەندێ هەلبژارتن ب دادپەروەرانە و دوور ژ پێشێلكاریێ و سەختەكاریێ بهێنە ئەنجامدان