سەرۆك بارزانی و بالیۆزێ پاكستانێ ل ئیراقێ رەوشا ئیراقێ و دەڤەرێ گەنگەشەركر
دوهی سێشەمبی 27/8/2024، ل سەلاحەدین سەرۆك بارزانی پێشوازی ل محەمەد زیشان ئەحمەد، بالیۆزێ پاكستانێ ل ئیراقێ كر.
د دیدارەكێدا، بالیۆزێ پاكستانێ ل ئیراقێ خوەشخالییا خوە دیاركر بۆ ئاڤەدانی و ئارامی و ئەو پێشكەفتنا ل هەرێما كوردستانێ پەیدا بووی و دەستخوەشی ل حوكمەت و سەركردایەتییا هەرێما كوردستانێ كر.
بالیۆزێ پاكستانێ ل ئیراقێ ئەوژی ب سەرك بارزانی راگەهاند، وەلاتێ خوە دخوازیت پەیوەندییەكا نێزیك د بوارێن جۆراوجۆرێن بازرگانی و فەرهەنگی ل گەل هەرێما كوردستانێ هەبیت.
رەوشا سیاسییا ئیراقێ و دەڤەرێ و پەیوەندیێن د ناڤبەرا حوكمەتا هەرێما كوردستانێ و حوكمەتا ئیراقا فیدرال و هەروەسا گەفا تیرۆرێ ل سەر ئاستێ جیهانێ و دەڤەرێ تەوەرێ دی ئەوێ دیدارێ بوون
