سەرۆك بارزانی: پەیوەندیێن هەولێرێ و بەغدایێ د قووناغەكا گەلەك باش دانە
سەرۆك بارزانی دوهی پێشوازی ل هۆلی ڤێیر، قونسلا نوو یا بەریتانیا ل هەولێرێ كر.
بارەگەهێ بارزانی بەلاڤكر» د دیدارەكێ دا رەوشا سیاسی یا ئیراقێ و پەیوەندیێن هەولێرێ و بەغدایێ هاتنە باسكرن.
ل گۆرەی بارەگەهێ بارزانی قونسلا نوو یا بەریتانیا خۆشحالییا خۆ ب دیدارێ و دەستەكاربوونا خۆ ل هەرێما كوردستانێ دیار كر و ئاماژە ب وێ چەندێ دا كو دێ بەردەوام بیت ل سەر گرنگیدانا پتر ب پەیوەندیێن هەرێما كوردستانێ و بەریتانیایێ و حێبەتییا خۆ ب پێشكەفتنێن هەرێما كوردستانێ ل بوارێن جودا دیار كر.
ژ ئالیێ خۆڤە سەرۆك بارزانی ب خێرهاتنا قونسلا نوو یا بەریتانیایێ كر و هیڤییا سەركەفتنێ بۆ خواست و ئامادەییا خۆ بۆ پشتەڤانیكرنا ئەركێن وێ ل هەرێما كوردستانێ دیاركر.
پەیوەندیێن هەولێرێ و بەغدایێ تەوەرەكێ گرنگێ دیدارێ بوو و سەرۆك بارزانی ئاماژە ب وێ چەندێ دا كو پەیوەندیێن حوكمەتا هەرێما كوردستانێ و حوكمەتا ئیراقا فیدڕال ب سەرۆكایەتییا سەرۆك وەزیران عەلی زەیدی د قووناغەكا گەلەك باش دا نە و هەماهەنگی و تێكگەهشتنا باش د ناڤبەرا هەردو ئالییان دا هەیە.
بارودۆخێ سیاسی و پێشهات و گوهۆرینێن دەڤەرێ تەوەرەكێ دی یێ دیدارێ بوو.
