شێخان ل سەرێ لیستێ دهێت و بەردەڕەش، باتیفا و شێلادزێ بێ هیڤی نەبووینە
هەردو تیمێن تەپا پێی یێن یانەیێن پارێزگەهێ شێخان و بەردەڕەش د گەڕماتییا هەڤڕكیێن خولا پلا دو یا كوردستانێ دەربازبوون بۆ پلا ئێك، پشتی بۆرینا حەفت یارییان ژ چارچووڤەیێ كوما ئێكێ و دویێ ئەوا 19 یانە ل سەر هەردو كۆمان هاتینە بەلاڤكرن خودانێن رێزێن ئێكێ و دویێ دێ دەربازبنە چارگۆشەیا زێرین ئەوا بتنێ دو یانەیێن قارەمان و یا دویێ دێ دەربازبنە پلا ئێك.
تیما یانەیا شێخان ب سەركەفتنەكا مەزن ل سەر تیما خەبات ب حەفت گۆلان بەرانبەر گۆلەكێ شیا ژ رێزا سێیێ پێشڤە بهێتە سەرێ لیستا كۆما ئێكێ، مفایی ژ خوسارەتییا خودانا رێزا ئێكێ بینت تیما سەنگەسەر ئەوا دگەل هەڤڕكێن هەردو تیما كفری خودانا رێزا دویێ خوسارەت بوویی ب گۆلەكێ بێ بەرانبەر، هەلوەستێ سەرێ لیستێ دناڤبەرا هەرسێ یانەیان دا ئاگرین بوو، بتنێ جوداهییا گۆلان دناڤبەرا وان دایە و جووداهییا خال نینە ژبەركو هەر ئێكی 15 خال هەنە، لێ یانەیا حەریر ژی بەردەوامە ل سەر هەڤڕكییا خوە و ئەوا ب چار گۆلان سەركەفتن ل سەر باوەنوور ئینایی و خالێن خوە گەهاندە 13 خال ل رێزا چارێ، ژلایێ خوەڤە ژی تیما یانەیا باتیفا ژی دەست ژ هەڤڕكیێ بەرنەدایە ئەوا ب 3-1 سەركەفتن ل سەر خەلاتی پێنجوین ئینایی و ب12 خالان رێزا پێنجێ پاراستی.
ئەڤ كۆمە بتنێ دو نوونەرێن پارێزگەهێ دناڤ دانە و ئەركێن جودا شەڕی بۆ سێ خالان دكەن، تیما یانەیا بەردەڕەش ئەوا ئەوا 13 خال كۆمكرین پشتی وەكهەڤییا وێ یا دوهی دگەل خودانا سەرێ لیستێ یانەیا خلیفان ب گۆلەكێ، ئەڤ وەكهەڤییە تیما بەردەڕش بۆ رێزا چارێ پاشڤە بر، لێ خلیفان سەرێ لیستێ ب12 خالان پاراست، تیمێن زانكۆیا جیهان و مەخمور ل رێزێن دویێ و سێیێ ب 11 خالان ل دویڤ ئێك هاتن، ژلایێ خوەڤە تیما شێلادزێ ئەنجامەكێ نە چاڤەڕێ كری بەرانبەر یانەیا بەختیار ئینا ب3-1 گولان تووشی خوسارەتیێ بوو، ئەڤ ئەنجامە نەبوو ئەگەر جهێ خوە یێ پێنجێ ژ دەست بدەت ئەوا حەفت خال هەین لێ ئەركێ وێ بۆ قۆناغا چارگۆشەیا زێرین ب زەحمەتر لێكرییە.
