عیراق رێکێ نادەت ھێزێن کریستیانان دەڤەرێن خوە بپارێزن
ئەڤرۆ نیۆز، قائید میرۆ:
پەرلەمانتارەکێ کریستیان ئاشکراکر، ھێزێن عێراقی رێکێ نادەن ھێزێن کریستیان ڤەگەڕن دەڤەرا دەشتا نەینەوا و دبێژیت، لڤینێن داعشێ مەترسی لسەر کریستیانان پەیدا کرینە.
فەرید یەعقووب، پەرلەمانتارێ کریستیان ل پەرلەمانێ کوردستانێ بۆ ئەڤرۆ نیۆز دیارکر” حوکمەتا عیراقێ و ھێزێن حەشدا شەعبی رێکێ نادەن کریستیان دەڤەرێن خۆ ل دەشتا نەینەوا بپارێزن و ئەو دەڤەرێن ھێزێن کریستیان تێدا ژلایێ ئەمنی ڤە مەترسی لسەر نینە، بەرۆڤاژی دەڤەرێن ھێزێن عێراقی تێدا ھەنە مەترسی لسەر کریستیانان ھەیە.
فەرید یەعقووب ئاماژەکر” پێویستە حکوومەتا عێراقێ دەڤەرێن تایبەت ب کریستیانان باشتر بپارێزیت، بتایبەتی ددەمێ نوکەدا چەکدارێن داعش دەست ب لڤینان کریە و چەند رۆژەکە ھێرشی سەر ھێزێن عێراقی دکەن.
