عەدنان فوئاد: غەدرە ل دادڤانێن دهۆكێ و هەولێرێ دهێتە كرن
ئەڤرۆ
د دیدارەكا تایبەت دا دادڤانێ یاریا كاراتێ یێ نێڤدەولەتی بۆ رۆژناما ئەڤرۆ دیار كر سەرەدەریا ئێكەتیا ئیراقێ بۆ دادڤانێن دهۆكێ یا باش نینە و جۆداهیێ دكەن دناڤبەرا مە و یێن پارێزگەهێن دی و پێدڤیە دووڤچوون بهێتە كرن.
زێدەتر عەدنان فوئاد گۆت: ل پارێزگەها دهۆكێ ئەم سێ دادڤانێن نێڤدەولەتی و خودان باوەرنامەیێن باوەرپێكری ل سەر ئاستێ ئاسیا نە، زێدەباری چەندین دادڤانێن دی ل پارێزگەهێ هەنە و حەزا خوە پێشئێخستنێ و وەرگرتنا باوەرنامەیێن بلندن، لێ ژبەر كو ئەو سەرەدەریا ب شێوەیێ فەرق و جوداهی دناڤبەرا دادڤانێن دهۆك و هەولێر دگەل دادڤانێن دی ژ سلێمانیێ و دەڤەرێن بەغدا كارتیكرنا نەرێنی ل سەر ئاست و دەرۆنێ دادڤانان كریە، ئەو جوداهیا ئێكەتیا كاراتێیا ئیراقێ دكەت غەدرەكا مەزنە بەرانبەر دا پشتەڤانیا دادڤانێن سلێمانیێ و دەڤەرێن دی یێن ئیراقێ دكەت.
ژلایەكێ دووڤە ناڤهاتی دیار كر وەكو دادڤانێ پارێزگەهێ شیایە ب سەركەفتیانە هەر قارەمانیەكێ دا كری و گۆت: ل سەر كیستێ خوە پشكداری گەلەك خول و قارەمانیێن نێڤدەولەتی بوویمە و هەردەم من بۆ وێ یەكێ كریە كو ببمە پالدەر و دادڤانەكێ پارێزگەها دهۆكێ و نوونەرێ كوردستانێ ب سەركەفتیانە بڕێڤەببەن.
ل دووماهیێ عەدنان فوئادی گۆت: هیڤییا مە ژ لایەنێن بەرپرس یێن پارێزگەهێ و كوردستانێ ئەوە دووڤچوونا بابەتێ غەدرا ل دادڤانێن كوردستانێ بكەن ژبەركو ژ هەژی نە پشكداریێن دەرڤە دا بكەن.