فلمێ ڤەکرنا حەفتەمین فلمە فیستەڤالا دهۆکێ هاته دیاركرن
ئەڤرۆ نیوز ، زنار تۆڤی:
هەلکەفت ئدریس، بەرپرسێ راگەهاندنا حەفتەمین فلمە فیستەڤالا دهۆکێ یا نێڤدەولەتی بۆ ئەڤرۆ نیوز دیار کر: فلمێ کامیۆن یێ دەرهێنەرێ کوردێ رۆژهەلات (کامبۆزیا پارتۆڤی) دێ بیته فلمێ ڤەکرنا حەفتەمین فلمە فیستەڤالا دهۆکێ یا نێڤدەولەتی، هەروەسا نیشاندانا ڤی فلمی دێ بیتە ئێکەمین نیشاندانا نێڤدەولەتی یا ڤی فلمی.
گۆت ژی: دەرهێنەرێ کورد پارتۆڤی ئێکە ژ سیناریست و دەرهێنەرێن ناڤدار و هەتا نوکە چەندین خەلات ب دەستڤه ئیناینە، وەکێ خەلاتێ یۆنیسێڤ ل بەرلینێ ل ئەلمانیا، هەروەسا بەربژارێ خەلاتێ (هرچا زێرین) بوویە ل بەرلینێ، دیسان فلمێ کامیۆن شیایە خەلاتێ باشترین سیناریۆ ل فلمە فیستەڤالا فەجر ل ئیرانێ ببەت، هەروەسا ڤی دەرهێنەرێ کورد ل گەل دەرهێنەرێن ناڤدار یێن ئیرانی وەکو جەعفەر پەناهی 2000 و ماجد ماجدی محەمەد 2015 وەکو سیناریست کارکریە، فلمێ کامیۆن ل سالا 2018 هاتیە بەرهەمئینان، کو ژ سیناریۆ و دەرهێنانا کامبۆزیا پارتۆڤی یە، سینەماتۆگراف توراج ئاسلانی، سەعید ئاغاخانی، نیکی کەریمی و رامین راستەد وەکو ئەکتەر پشکداری تێدا کریە.
