كوردێن شەبەك داخوازیەكێ ئاراستەی كابینا نوو یا حوكمەتا كوردستانێ دكەن
ئەڤرۆ نیوز،رەمەزان هەرنی:
كوردێن شەبەك ل دەشتا مووسڵ دلخوشیا خوە نیشاندا ب گوهۆرینێن ل كوردستانێ دروستبۆین و ئاشكرا دكەن كو ئەو گەشبینن ب پێكئینانا حوكمه‌تا نوو یا كوردستانێ و دێ پشتەڤان بن.
سالم شەبەك، نوونەرێ كوردێن شەبەك و پەرلەمانتارێ خولا بوری یێ جڤاتا نوونەرێن عیراقێ بۆ ئەڤرۆ نیوز گۆت : گوهۆرینێن كوردستانێ بۆ پوستی سەرۆكێ هەرێمێ و سەرۆكێ حوكمه‌تا هەرێما كوردستانێ پێنگاڤەكا گەلەك باشە و بۆ هەموو كوردستان و عيراقێ تایبەت بۆ پێكهاتە و كەمێنەیێن دەشتا مووسڵ ئەم وەك كوردێن شەبەك ڤێ پێنگاڤێ ب دەرگەهێ ژیانەكا نوو دبینن و دێ پشتەڤانێن كابینا نوو بین .
گوت ژی : ئەم ب هیڤیی نە پرسا مادێ 140 كو ل گەل حوكمه‌تا عیراقێ بهێتە چارە سەركرن و دخوازین كو جارەكادێ دەڤەرێن مە ڤەگەرێنەڤە سەر ب حوكمه‌تا هەرێما كوردستانێ ،داخوازێ ژ سەرۆك وەزیرێن نوو یێ كوردستانێ دكەین كو ئارامیێ بۆ دەڤەرێن مە ب زڤرینیتەڤە ل دەشتا مووسڵ و مە هیڤیی و باوەریەكا مەزن ب كابینا نوو یا حوكمەتا كوردستانێ هەیە كو بشێت مە ل ڤان نەخوه‌شیان رزگار بكەت.