ل قهتهرێ شاندێ زاخۆ بهرههڤی بۆ پرۆتۆكۆلێ ئهكادیمیێن وهرزشی كرییه
د داخویانیەکێ دا سکرتێرێ یانهیا زاخۆ یا وەرزشی بۆ رۆژناما ئەڤرۆ دیار کر ئەو گەهشتینە قوناغا دووماهیێ دگەل مەزنترین ئەکادیمیا وەرزشی ل وەلاتێ قەتەر.
زێدەتر هشیار شەهباز گۆت: پشتی چوونا شاندەکێ بلند ژ ئیدارەیا سەربەخوهیا زاخۆ و سەرۆکێ یانهیا زاخۆ یا وەرزشی بۆ وەلاتێ قەتەر، چەندین کۆمبوون ل سەر ئاستێن جودا هاتنە ئەنجامدان و ژ وان ژی کۆمبوونێن گرنگ دگەل بەرپرسێن وەرزشی و یانەیێن وەلاتی هاتنە ئەنجامدان، دەرئەنجامێ وان کۆمبوونان ژی یانهیا زاخۆ گەهشتیە قۆناغا دووماهیێ دگەل ئێک ژ مەزنترین ئەکادیمیێن وەرزشی ل وی وەلاتی و بریارە د ڤان رۆژێن داهاتی دا ب شێوەیەکێ فەرمی گرێبەست دناڤبەرا یانهیا زاخۆ و وێ ئەکادمیێ دا بهێتە گرێدان، دەربارەیی سپۆنسەران ژی وی شاندی دانوستاندن دگەل سەرمایەدارێن وی وەلاتی ئەنجامداینە و دانوستاندن بەردەوامن و بابەتێ سپۆنسەرەکێ تایبەت ژی بۆ یانهیا زاخۆ هەتا ڕادەیەکێ ب دووماهی هاتیە و بتنێ چەند بابەتەک ماینە ئەو ژی دێ ب دووماهی هێن.
ناڤبری گۆت ژی: سپۆنسەرێن نافخۆیی هەبون لێ نە ل دووڤ خاستەکا مە بوون و ئەو پارەیێ پێدڤی بیت ژێ هاتییه داخوازكرن بهرههڤ نهبوون ب دهن
ل دووماهییێ هشیار شههبازی گۆت: ب چو ڕەنگان بەحس ل فروتنا یانهیا زاخۆ نەهاتیە کرن دگەل وەلاتێ قەتەر و یانهیا زاخۆ ملکێ ڤی باژێری و جەماوەرێ وێ یە.
بۆ زانین شاندێ زاخۆ پێكهاتییه ژ گوهدار شێخو سهرپهرشتێ ئیدارا زاخۆ و عهمار فهرهاد سهرۆكێ یانهیا زاخۆ، ههر بۆ زانین دووماهی پێنگاڤا خوه دا سهرۆكێ یانهیا زاخۆ ل دهوحه یا پایتهختێ قهتهرێ سهرهدانا یانهیا سهد یا قهتهری كربوو و تێدا چهند بابهتێن جودا یێن ژبۆ پێشئێخستنا وهرزشا تهپا پێی یا زاخۆ هاتیه كرن ژوانا بهحس ل سهر ئیمزاكرنا گرێبهستا ههڤالینیێ دناڤبهرا ههردو یانهیان دا هاتییه كرن.