ل مەخمورێ شەر د ناڤبەرا داعشێ و ھەڤپەیمانان دا روودا
ئەڤرۆ نیۆز، قائید میرۆ:
ئەڤرۆ رۆژا ئێک شەمبی فڕۆکەیێن ھەڤپەیمانان ل چیایێ قەرەچۆغ یێ نێزیک قەزا مەخموور بنگەھێن داعش بوردۆمانکرن و دوڤدا شەڕ کەفتە دناڤبەرا سەربازێن ھەڤپەیمان و چەکدارێن داعش.
ژێدەرەکێ ئاگەھدار ل میحوەرێ مەخموور بۆ ئەڤرۆ نیۆز دیارکر” ھێزێن ھەڤپەیمانان ل چیایێ قەرەچۆغ بنگەھێن چەکدارێن داعش ب ھویری بوردۆمانکرن و زیانێن مەزن گەھاندن تیرۆرستێن داعش ل دەڤەرێ، چونکە ب دژواری دەڤەر ھاتبو دورپێچکرن.
ئەڤی ژێدەری ئاشکراکر” پشتی بوردۆمانێ ھێزێن ھەڤپەیمان چووینە دەڤەرێ و شەڕ دناڤبەرا ھێزێن ھەڤپەیمان و چەکدارێن داعش پەیدابوویە، بەلێ ھەتا ئەنجامێن ئەڤێ ئۆپەڕاسیۆنێ نەھاتینە ئاشکراکرن.
