مایتێكرنا پشتەڤانان د ئینانا یاریزانان دا
نەهلا ئەحمەد
بابەتێ گرنگێ یێ ئینان و هەلبژارتنا یاریزانان بۆ وەرزێ نوو یێ خول وقارەمانیێن داهاتی بۆ یانەیان دا ژ بابەتێن هەرە گرنگە و مژارا گەرم د ناڤا جادەیا وەرزشی دا، لێ ب مخابنی ڤە دشێین بێژین هەلبژارتن و ئینان و هەتا یاریكرنا یاریزانان د یاریێ دا ئێدی پشتەڤان مایتێكرنێ تێدا دكەن، ل ڤێرێ نابێژم كۆ پشتەڤان د شاشن بەلكو یا من دڤێت بێژم ئەرێ یا ڕەوایە كۆ د كارگێریێن هەر یانەیەكێ دا كەسەكێ زیرەك و شەهرەزا و خودان سەربۆر نەبیت كو دۆڤچوونا یاریزانان و ب هەلبژێریت بۆ ئیمزاكرنا گرێبەستێ دگەل یانەیێ، و هەتا كو د كرنا یاریێ دا ب مخابنی ڤە ئێدی ئەڤ بابەتە گەهشتیە وی رادەیی كو هندەك پشتەڤانێن نە كارێ وان وەرزش ژی مایتێكرنێ د هەلبژارتنا یاریزانان دا دكەن، ئەرێ كی دبیتە ئەگەرێ هندێ كو بگەهیتە وی ڕادەیی ئێدی هەتا كو وەلێ هاتیە پشتەڤانێن یانەیان مایتیكرنێ د هەلبژارتنا سەرۆك یانەیێ دا دكەن، ب بۆچوونا من ئەز دبینم ئەڤە ژ كاریسەیێن هەرە مەزنە ژ بەركو دبیت پشتەڤانەكی یا باش بڤێت لێ ب مخابنی ڤە پێنج پشتەڤانان یا باش بۆ یانەیێ نەڤێت، ژ بۆ بنبركرنا ڤی بابەتێ مە ئاماژە پێ دای و ئەگەر مە بڤێت د پاشەروژێ دا كاریسە دروست نەبن كو ژ وان ژی یانە و تیم و یاریزان ژ ناڤ نەچن د برێڤەبرنا ئیدارێ دا مە كەسێن وەسا شەهرەزا و زیرەك هەبن كو نەهێلن پشتەڤان مایتێكرنا وی رادەیی بكەن كو یاریزانان ب هەلبژێرن ژ بۆ هندێ ئەگەر مە بڤێت ئەنجامێن یانەیێن مە یێت كوردی دباش بن بلا ئەم بێهلین ئیدارە ب كارێ خۆ راببن ژ بەركو ئەگەر تەماشە بكەین یانەیێن ئۆرۆپا دكەفتن و سەركەفتنان دا پشتەڤان كارتێكرنێ لێ دكەن بەس نە ب وی ڕادەیی یێ ئەم ل یانە و تیمێن خۆ ل ڤێرە دبینن، بلا ئەم نە بینە ئەگەر ئەڤ وەرزشا ب بۆها كەتی بێ بوها بكەین بەروڤاژی بلا ئەم دەست ب دەست یانەیێن خۆ بهێز بێخین و بێهلین كەسێن شەهرەزا و وەرزشڤان مایێ خوە د ئینان و هەلبژارتنا یاریزانان دا بكەن.
