مه گهنجێن بههرهمهند د بوارێ هونهری دا ههنه، لێ پشتهڤانیا وان ناهێتهكرن
سندس سالح سلێڤانهیی
شێوهكارێ گهنج (جومعه عهلی) د دیدارهكێ دا بۆ بهرپهرێ هونهری یێ رۆژنامهیا ئهڤرۆ گۆت: دژیهكێ بچووكدا حهزا هونهری ل دهف من ههبوو، لهورا دهمێ ئهز قوتابی ل قووناغا بنهرهتی من حهز ژ چێكرنا وێنهیێن مرۆڤان دكر و ههردهم وێنهیێن ئهندامێن مالباتێ، ههروهسا ههڤالێن خۆ یێن قوتابی چێدكرن و ماموستا و ههڤالێن من ئهز هاندانم كو بچمه پهیمانگهها هونهرێن جوان دا پتر خوە پێ بگههینم و دگۆتنه من ههكه تو بچیه پهیمانگههێ دێ ب شێوهیهكێ ئهكادیمی فێربی، لهورا پشتی من پۆلا نههێ ب دووماهی ئینای ئهز چوومه پهیمانگهها هونهرێن جوان/پشكا شێوهكاری و پێنج سالێن سهركهفتی مه دهربازكرن و ل بهر دهستێن مامۆستایێن خوە فێری گهلهك تشتان بووم و ههر ل پهیمانگههێ من پشكداری د پێشانگههێن ههڤپشكێن شێوهكاری دا كر و پشتی من پهیمانگهه ب دووماهی ئینای ئهز چوومه زانكۆیا دهۆك/ كۆلیژا هونهرێن جوان و پهیمانگهه و زانكۆیێ ئهز فێری كارێ ئهكادیمی كرم، لهورا ههتا نوكه یێ بهردهوامم و هیڤیا من ئهوه بشێم ل دووف شیانێن خۆ خزمهتا هونهرێ كوردی بگشتی و پشكا شێوهكاری بگشتی بكهم و سوپاسیا ههر كهسهكی دكهم یێ كو پشتهڤانیا من كری.
ههروهسا گۆت: ئهز بهردهوام كهڤالان چێدكهم، لێ پتر ههتا ئهز وێنهێن سهروچاڤێن مرۆڤان، كو دبێژنێ (پورترێت) چێدكهم و خهلكهك بڤان وێنهیان من دنیاسن، لهورا بهردهوام وێنهیێن خۆ یان خۆشتڤی و زاڕۆكێن خۆ بۆ من فرێدكهن و ئهز بۆ وان چێدكهم و گهلهكا كهیفا وان پێ دهێت و بهرامبهر داهاتهك ژی بۆ من ژێ دهێت و ئهڤ چهنده دبیته پالدهرهك كو یێ بهردهوامبم، ههروهسا پتر داهێنانێ د كارێ خوه یێ وێنهچێكرنێ دا بكهم.
ل دووماهیێ شێوهكار(جومعه عهلی) گۆت: ل ههرێما كوردستانێ ب گشتی و پارێزگهها دهۆكێ ب تایبهتی مه گهنجێن بههرهمهند د بوارێ هونهری دا ههنه، كو ئهو ژی ژ ههر دو ڕهگهزان پێك دهێن (نێر و مێ) لێ مخابن ئهڤ گهنجه دبێ خودانن و كهس نینه پشتهڤانیا وان بكهت، ب تایبهت پشتی دهرچوونێ، چونکی دهمێ ئهڤ گهنجه ژ پهیمانگههێ یان كۆلیژی دهردچن، چ هۆل یان جهێن تایبهت نینن بچنێ بهردهوامیێ ب بسپۆریا خوە یا هونهری بدهن و گهلهك ژوان جهـ ل مالا خوە نینه كو كاربكهن، ههروهسا گهلهكا ئهو شیان ژی نینن كو بهردهوام بشێن ڕهنگ و كاغهز و پێدڤیێن وێنهچێكرنێ بكڕن، لهورا گهلهكا پێدڤیه جههك بۆ وان كهسان ههبیت، ژ بەر کو ههكه ئهو گهنج دبهردهوام نهبن دبیت ههتا چهند سالێن دی ژهونهری دوور بكهڤیت، كهس نینه پشتهڤانیێ لێ بكهت، ههروهسا گهلهك ژوان گهنجان دبنه مامۆستا و دهمێ دچنه قوتابخانهیان ب تایبهت ژی ل قوناغا بنهرهتی ل دووف پێدڤیا قوتابخانێ مامۆستا نهچاره ل شوونا وانهیا خۆ یا هونهری بابهتهكێ دی بێژیت كو نه بسپۆریا وی یه.