موبایلێن خوه ل ڤان جهان هه‌لنه‌گرن
ئه‌ڤرۆ نیوز، نه‌وزاد هلۆرى:
ب گۆره‌ى نووترین ڤه‌كۆلین كو چه‌ند زانايێن تایبه‌تمه‌ند ئه‌نجامدایه ، هه‌لگرتنا موبایلێ دناڤا به‌ریكێن زه‌لامان و سه‌خمێن ژنان دا كارتێكرنێن نه‌رێنى و مه‌ترسى ل سه‌ر ساخله‌میا وان هه‌یه.
ڤه‌كۆلین ل زانكۆیا (دیڤرا داڤیس) يا ئه‌مریكى هاتیه ئه‌نجامدان و ژ ئه‌نجامێن وێ ڤه‌كۆلینێ، زانا گه‌هشتینه وى راستیێ كو هه‌لگرتنا موبایلێ دناڤا به‌ريكێن زه‌لامان و سه‌خمێن ژنان كو دگه‌هیته سینگێ ژنان كارتێكرنێن نه‌رێنى و مه‌ترسى ل سه‌ر ساخه‌میا وان هه‌یه ژ وان، په‌نجه‌شێرا پروستاتان ل ده‌ف زه‌لامان و په‌نجه‌شێرا مه‌مكى ل ده‌ف ژنان، ئه‌و ژى ژ ئه‌گه‌رێ هه‌بوونا تیشك و تورێن ب مه‌ترسى ل سه‌ر موبایلێ كو بۆ خوین و له‌شێ وان دهێنه ڤه‌گوهاستن.
هه‌ر د وى ڤه‌كۆلینێ دا هاتیه كو ئه‌ڤ یه‌ك دبیته سه‌ده‌ما وه‌ستيانا مێشكى ژبه‌ركو موبایلێن زیره‌ك تیشكێن زۆر هه‌نه و ب ساناهى تێكه‌لێ تیشكێن له‌شى دبن و ئه‌و باشتر دبینن كو ژن موبایلێن خوه دچانتاندا هه‌لگرن و زه‌لام ژى د چاكیتى دا.
