مەسرور بارزانی: حوكمەتا هەرێمێ دێ بەردەوام پشتەڤانییا مافێن رەوایێن ئێزدییان كەت
مەسرور بارزانی، سەرۆكێ حوكمەتا هەرێما كوردستانێ، پێشوازی ل میر حازم میر تەحسین بەگ، میری ئێزدییان كر.
د ڤێ دیدارێ دا، رەوشا گشتییا هەرێما كوردستانێ و دەڤەرێ هاتە گەنگەشەكرن، هەروەسا ب هووری باس ل بارودۆخێ ئێزدییان هاتە كرن.
سەرۆكێ حوكمەتا هەرێما كوردستانێ راگەهاند، حوكمەت ب هەموو شێوەیەكی پشتەڤانییا خواست و مافێن رەوایێن ئێزدییان دكەت و دوپاتیێ ل سەر پاراستنا پێگەهێ وان كر.
ژ ئالیێ خۆ ڤە، میر حازمی سوپاسییا خۆ ئاراستەی سەرۆكێ حوكمەتا هەرێمێ كر، بۆ وێ پشتەڤانییا بەردەوام یا كو بەردەوام بۆ ئێزدییان نیشان دایە و رۆلێ حوكمەتێ ژی د خزمەتكرنا دەڤەرێن وان دا ب بلندی هەلسەنگاند.
