مەسرور بارزانی چاكسازییێن حوكمەتێ و ڕەوشا دەڤەرێ ل گەل نوونەرێ ئێكەتییا ئۆرۆپایێ گەنگەشە كر

مەسرور بارزانی، سەرۆكێ حوكمەتا هەرێما كوردستانێ، پێشوازی ل شتێفان ڤێنت، بەرپرسێ نوو یێ نڤیسینگەها پەیوەندییێن ئێكەتییا ئۆرۆپایێ ل هەولێرێ كر.
د كۆمبوونەكێ دا، سەرۆكێ حوكمەتا هەرێمێ پیرۆزباهییا دەستبكاربوونێ لێ كر و هیڤییا سەركەفتنێ د ئەركێ وی دا بۆ خواست و پشتەڤانییا حوكمەتا هەرێما كوردستانێ بۆ دیار كر.
بەرپرسێ نڤیسینگەها پەیوەندییێن ئێكەتییا ئۆرۆپایێ ل هەولێرێ، دوپاتی ل سەر گرنگییا بهێزتركرنا پەیوەندییێن هەرێما كوردستانێ ل گەل ئێكەتییا ئۆرۆپایێ كر.
چاكسازییێن حوكمەتا هەرێما كوردستانێ د كەرتێن جودا جودا دا و ڕەوشا گشتی یا ئیراقێ و دەڤەرێ، پشكەكا دی یا دانوستاندنان بوون.

کۆمێنتا تە