مە ئاشتیەکا دەمدرێژ ل گەل ئەمریکا دڤێت
شیرەتکارێ رێبەرێ ئیرانێ دیار دکەت، ئەوا نها ل گەل ئەمریکا هاتیە ئیمزا کرن رێککەفتن نینە، بەلکو لێک تێگەهشتنەکە و هێشتا ژی مەترسیا شەڕی د ناڤبەرا ئیرانێ ل گەل ئەمریکا و ئسرائیلێ دا هەیە و ئیرانێ خوە بۆ هەر پێشهاتەیەکێ ژی بەرهەڤ کریە.
موحسێن رزایی ئەو یەک ژی دیار کر، وەکو ئیران وان رێککەفتنەکا دەمدرێژ یا ئاشتیێ ل گەل ئەمریکا دڤێت، رێککەفتنەکا ٥٠ سالی یا کو ببیتە ئەگەر ئێدی چو شەڕ روو نەدەن و هەتا ئەو یەک نەهێتە کرن دێ مەترسی ل سەر ئیرانێ بەردەوام بن، ژ بەر ڤێ یەکێ ژی هەکە بەرپرسێن ئەمریکا بخوازن ئێدی چو شەڕێن نوو روو نەدەن و رەوشا ئابووری یا دەڤەرێ و جیهانێ تێک نەچیت وی دەمی دڤێت رێککەفتنەکا ٥٠ سالی یا ئاشتیێ ل گەل ئیرانێ ئیمزا بکەن.
