مە دڤێت ببینە پشکەک ژ سیستەمێ بەرگریێ یێ سووریێ
مەزلەم عەبدی فەرماندارێ گشتی یێ هێزێن سووریا دیموکرات د داخۆیانیەکێ دا راگەهاند، تورکیا و سووریێ دخوازن ل دێرازۆرێ و دەڤەرێن دی ئالۆزیان دروست بکەن، لێ نها رەوش ل دێرازۆرێ گەلەک ئارامە و وەکو هێزێن سووریا دیموکرات ئەو رێ نادەن چو گرۆپێن نوو یێن چەکدار بهێنە دروست کرن، چونکی هەبوونا گرۆپێن چەکدار ب پشتەڤانیا شامێ دێ رەوشا هەی ئالۆز کەت.
ناڤهاتی ئەو یەک ژی راگەهاند، وەکو هێزێن سووریا دیموکرات وان دڤێت ببنە پشکەک ژ سیستەمێ بەرگریێ یێ سووریێ، هەکە شام ب رەنگەکێ ئەرێنی پێشوازیێ ل داخوازیێن وان نەکەت دێ تووشی زیانێ بیت، چونکی نها راستیەکا نوو ل سووریێ یا هەی، هەکە حوکمەتا سووریێ بڤێت رەوشا سووریێ ب گشتی یا ئارام بیت دڤێت ل گۆر راستیا نها کار بکەت.
