نڤیسه‌ره‌كێ ده‌ڤه‌را بارزان په‌رتووكه‌ك لسه‌ر كۆرۆنایێ نڤیسیە و دێ ب ئون لاین به‌لاڤكه‌ت
ئه‌ڤرۆ نیوز، ره‌مه‌زان هه‌رنی:
نڤیسه‌ره‌كێ ده‌ڤه‌را بارزان كو خودان 60 به‌رهه‌مێن چاپكریه پشتی به‌لاڤبوونا ڤایرۆسێ كۆرۆنا و كه‌ره‌نتینكرنێ دمالدا به‌رهه‌مه‌ك لسه‌ر كۆرۆنایێ نڤیسیه ب شێوه‌یه‌كێ گشتی و به‌رهه‌ڤه بۆ چاپكرنێ و دێ ب شێوه‌یێ ئون لاین به‌لاڤكه‌ت بۆ وێ چه‌ندێ خوەندەڤان ب ساناهی بخوونن .
نڤیسه‌ر رێبوار ره‌مه‌زان بارزانی بۆ ئه‌ڤرۆ نیوز راگه‌هاند “حیكایه‌ته‌كانی سه‌ره‌ده‌می كۆرۆنا” زنجیره په‌رتووكه‌كن ل ده‌ستپێكا په‌یدابوونا ڤایرۆسێ كۆرۆنا من بزاڤ كرینه هه‌موو یاسا و رێنمایێن وه‌ڵاتان و حیكایه‌ت و چیرۆكێن كاریگه‌ر و ئه‌وێن ل نه‌خوشیا ڤایرۆسێ كۆرۆنا رزگاربووی و ئه‌وێن پشتی كه‌ره‌نتینكرنێ زڤرینه ڤە ماڵ من هه‌موو تۆماركرینه .
گوتژ ژبلی دیاركرنا لایه‌نێ ساخله‌می ئه‌و توانج و وێنه و كاریكاتیرو كۆمێنتێن سه‌ی رو یاسایێن سه‌ی رو سه‌مه‌رێن وڵاتان به‌رامبه‌ر پاراستنا هاووڵاتیان رێگریركرن ل ده‌ركه‌فتنا وەڵاتیان هاتینه تۆماركرن كو ب ته‌مامی به‌حسێ ناساندنا ڤایرۆسێ هاتیه كرن وه‌ك ته‌وه‌ره‌ك سه‌ره‌كی .
ئاشكراكر : مه‌به‌ست ل په‌رتووكا حیكایه‌تێن سه‌ره‌ده‌مێ كۆرۆنا ئه‌وه پشتی ڤایرۆسێ كۆرۆنا وانه‌یه‌كێ ل وێ ئازادیێ وه‌رگرین ئه‌وا به‌ری ڤایرۆسێ كۆرۆنا مرۆڤا هه‌ی بۆ نموونه ب ئازادی ده‌ردكه‌ڤتین و نوكه ده‌رگه‌هێن قوتابخانه‌یان و زانكۆیان و پرانیا بازارا هاتینه گرتن .
ته‌كه‌زكر پیره‌مێره‌كێ 93 ساڵی پشتی ل ژێر كۆنترۆڵا چردا پشتی ئۆكسجینا ده‌ستكرد بۆ هاتیه دانان دووماهیێ ل ڤایرۆسێ كۆرۆنا رزگار بوو چاره‌سه‌ری بۆ هاته كرن كه‌ره‌نتین ژی خڵاسبوو زڤریه ڤه ناڤ خێزان و كه‌س و كارێن خوه ژبه‌ر زۆریا ژمارا نه‌خۆشا د هه‌مان ده‌م دا پاره‌ی ل هاووڵاتیان وه‌ردگرن ژ بۆ ئوكسجینا ده‌ستكرد كو بهایێ وێ 500 یۆرۆیه . پیرمێرێ نه‌خۆش كره گری و روندك ژ چاڤێن وی هاتنه خوار و بوونه رێز، ده‌ما كارگێریا نه‌خوشخانه‌یێ پرسین بۆ دكه‌ی گری گوت ناكه‌م گری كۆمن پاره نینه بده‌م به‌ڵكو دگریم 93 ساڵه خودایێ مه‌زن ئوكسجین به‌ڵاش دایه من به‌لێ چه‌ند رۆژا هه‌وه بۆ من ئوكسجین دابینكر هوون یێ داخوازا پاره‌یی دكه‌ن .
