نۆشدارێن ئەمریكی پتر ژ 150 نشتەرگەری ل دهۆكێ ئەنجامدان
ئەڤرۆ نیوز، لەزگین جوقی
رێڤەبەرێ گشتیی یێ ساخلەمیا پارێزگەها دهۆكێ دیاركركو ل رۆژا 29/11/2018 پرێس كونفرانسەك بۆ شاندی گرۆپی نۆشدارێن ئەمریكی ل زانكۆیا ئەمریكی یا كوردستانێ ل دهۆكێ هاتە ئەنجامدان ل سەر كاروچالاكیێن دماوی چەند رۆژێن بۆری دا ژلایێ گرۆپی نۆشدارێن ئه‌مريكى ڤە هاتینە ئەنجامدان.
نزار عسمەت، رێڤەبەرێ گشتیی یێ ساخلەمیا پارێزگەها دهۆكێ دیاركركو ساخلەمیا دهۆكێ ب هەماهەنگی دگەل زانكۆیا كوردستان یا ئەمریكی و دەزگەهێ بارزانی یێ خێرخوازی ب پشتەڤانیا سەرۆكێ حوكمەتا هەرێما كوردستانێ شیان گرۆپی نۆشدارێن ئەمریكێ یێ پێكهاتی ژ (42) نۆشدارێن بسپۆر و پەرستار و ڤەكۆلەران بۆ ماوی چەند حەفتیان ل دهۆكێ كاربكه‌ن دئەنجامدا پتر ژ 150 نشتەگەری بۆ وەلاتیان بێ بەرامبەر ئەنجامدان.
گۆت ژى، ئارمانجا سەرەكی ژ هاتنا گرۆپی نۆشدارێن جیهانی یێن ئەمریكی بۆ دهۆكێ ئەو بوویە نشتەرگەریا ئەنجام بدەن دبوارێن نشتەگەریا هوور و ئەنجامدانا خۆلین مەشق و راهینانێ.
دياركر ژى كو ڤی شاندی 817 نەخوه‌ش دیتینە و 462 پەرستیار و نۆشدار پشكدارى د خۆلین راهێنانێ بووین.
د. جۆن مێنزیس، سەرۆكێ زانكۆیا ئەمریكی یا كوردستانێ دیاركركو رۆژا ب دووماهیی هاتنا راهێنانێن پەرستیاران ل زانكۆیا ئەمریكی یا كوردستانێ هاتە گێران گەلەك كورسێن پێشكەفتی و پرۆفێشینال هاتینە ئەنجامدان وهایێ نشتەرگەریێن گرۆپی نۆشدارێن ئەمریكی ل دهۆكێ ئەنجامداین ب ملیۆنا دۆلاران دهێتە خەملاندن كو ژیانا گەلەك كەسان رزگاركرینە.
ئەوژی دیاركركو ب دووماهی هاتنا بەرنامه‌ی رامانا وێ ئەو نينه دووماهی هاتنا هەڤبەشیا مەیە، ئەم دێ ب جدی بەردەوام بين بۆ پشڤەبرنا كەرتی ساخلەمیێ ل كوردستانێ ول پاشه‌رۆژه‌كا نێزیك دا، دێ مزگینین باشتر بۆ خەلكێ كوردستانێ هەبن.
