نێزیكی 100 سالایه ئه‌ڤ چه‌كۆچه ل مالا وان هاتیه پاراستن
دهۆك، شاكر ئه‌تروشی:
محه‌مه‌د سه‌عید سیاری، ولاتیه‌كێ خه‌لكێ دهۆكێ یه، بۆ ده‌مێ چه‌ندین سالایه ئاره‌زویا كۆمكرن و پاراستنا كه‌رستێن فولكلۆری و ئنتیكان ل ده‌ف هه‌یه، ژوانا چه‌كۆچه‌كێ شكاندنا كه‌لێن شه‌كرێ كو یێ به‌ری نێزیكی سه‌د سالانه ل مالا خوه پاراستیه و هه‌تا نوكه چه‌ندین بكڕ لێ په‌یدابووینه و پاره‌كێ باش داینێ، لێ ئه‌و یێ به‌رهه‌ڤ نه‌بوو ب فرۆشیت و دبێژیت هندی ئه‌ز دژیانێ دا مابم ئه‌ڤ چه‌كۆچه دێ ل گه‌ل من ژیت.
محه‌مه‌د سه‌عید گۆت: دوه‌ختێ خوه دا بابێ من ئه‌ڤ چه‌كۆچێ شكاندنا شه‌كرێ بۆ مالامه كڕی بوو، ئه‌ڤ (50) ساله ل ده‌ف من یێ پاراستیه و ب گۆتنا دایكا من به‌ری ئه‌ز ژدایك ببم ب كێماسی پێنجی سالان بابێ من چه‌كۆچ كڕی بوو، له‌ورا ب پشت راستی ڤه دبێژم نوكه ژیێ ڤی چه‌كۆچی نێزیكی سه‌د سالانه و هه‌تا نوكه ل مالا من مایه و چه‌ند جاره‌كێ خانیێ مه ل گوندی هاتبیته خرابكرن یان ڤه‌گوهاستن هه‌تا ئه‌م هاتینه دهۆكێ من ئه‌و چه‌كۆچ یێ ل گه‌ل خوه بری و من ل به‌ر نینه چو جاران بفرۆشم چنكو بیرهاتنا بابێ منه بۆ من مای، بۆ زانین گه‌له‌ك كه‌سان بۆ كڕینێ داخواز ژمن كرینه و پاره‌كێ باش پێ دایه، لێ ئه‌ز رازی نه‌بوویمه بفرۆشم.
بۆ زانین ماكینه‌كا دروارێ یا دایكا من، هه‌روه‌سا ناله‌كا ده‌وران ژی كو ژیێ وان دگه‌هیته هه‌تا (80) سالان ژی ئه‌و ژی ل ده‌ف من دپاراستینه و چو جاران من ل به‌ر نینه بفرۆشم,
