نە یێ نەچارم ریكلامان بكەم
هەرهین محەمەد
ئەكتەرێ كۆمێدی (محەمەد نەجاد) د دیدارەكێ دا بۆ رۆژنامەیا ئەڤرۆ گۆت: دەمێ بۆ من ریكلام دهێن ل دەستپێكێ سەح دكەمێ كا ب بۆ چ بەرهەمە و ئەگە رئەو بەرهەمە نە یێ ب كوالیتی بیت وێ ریكلامێ رەت دكەم، بۆ نموونە بۆ من ریكلامەك هاتبوو یا جگاران بوو، من رەتكر و نوكە ریكلام 80% بوویە تەلەفون و ب مۆبایلێ ریكلام دهێنە كرن و ئێكسەر دهێتەبەلاڤكرن و ئەو كەسێ مرۆڤ دبێژیتێ دێ ریكلامێ بۆ هەوە كەین دبێژیت ئەم دێ ب مۆبایلێ كەین و
ل دور نووترین كارو بەرنامێ خوە یێن هونەری گۆت: د بەرنامێ مە دایە ژبۆ هاتنا هەیڤا رەمەزانا پیرۆز ئەم كارەكێ نوو بكەین و كارێ ریكلامێ نەژ نەچاریە و تایبەتمەندیا من ئەكتەری یە چونكو ئەم دەرچوویێن پەیمانگەه و كولیژا هونەرێن جوانین و ژبلی ڤی كاری نەشێن چو كارێن دی بكەین و نوكە ئەم كارێ ئەكتەریێ دكەین و هەكە داهاتەكێ كێم ژی بهێت هەر باشە و نەچار نینین ریكلامێ بكەین، چونكو گەلەك جاران دێ ریكلامەكێ كەین بۆ نموونە ریكلاما شامپۆیەكێ دێ بینی پێنجی كەسان كومێنتكریە مفا دیتیە و كەسەكی مفا ژێ نە دیتیە ئەو كەسە دی هێت ب كومێنتەكێ رەخنێ دكەت.
