هایا محەمەد: بەرهەڤیان بۆ تۆماركرنا سترانەكا فولكلۆری دكەم
شاكر ئەتروشی:
سترانبێژ (هایا محەمەد) كو خەلكا باژێرێ مەریوانە ل رۆژهەلاتێ كوردستانێ و ئەڤە چەند سالن ل پارێزگەها سلێمانیێ دژیتن، د دیدارەكێ دا بۆ رۆژناما ئەڤرۆ دیاركر ئەو ل سەر كاروانێ خوە یێ هونەری یا بەردەوامە و پشتی چەژنێ دێ دەست ب تۆماركرنا سترانەكا قولكلۆری كەت و دووماهی پشكداریا وێ ژی بەری چەند رۆژان ل ل پارێزگەها سلێمانیێ بوو، كو پشكداری د ئاهەنگا نەورۆزێ دا كربوو.
ناڤهاتیێ گۆت: من گەلەك ستران ل بەردەستن هەنە، لێ ل دووف شیانێن خوە تۆماركەین،چنكو هەتا نوكە هەر سترانەك یان كلیپەك من چێكربیت هەموو مەزاختیێن وێ ژلایێ من ڤەبووینە و ژبلی سترانگۆتنێ من حەزا وێنەچێكرنێ و دیزاینا جلكان ژهەیە، لێ پتر گرنگیێ ب سترانان ددەم، چنكو حەزەكە ل گەل من مەزن دبیت و ب مخابنی ڤە هەتا نوكە من چو نیاسین دگەل سترانبێژێن دهۆكێ یان دەڤەرا بەهدینان نینن و هیڤیا من ئەوە رۆژەك بهێت ئەم پێكڤە خزمەتا سترانا كوردی بكەین و ب ئانەهیا خودێ هندی د ژیانێ دا مابین و مە شیان هەبن دێ د خزمەتا هونەری دا د بەردوەام بیت.