هیڤیا وێ ئەوە جهەكێ تایبەت یێ چێكرنا خوارنان ڤەكەت
سندس سالح سلێڤانەیی
شێفا گەنج (شان شڤان) د دیدارەكێ دا بۆ رۆژنامەیا ئەڤرۆ گۆت: ژبەركو دایكا من (شێف) بوو و كارێ چێكرنا خوارنان دكەت، ئەز ژی ل بەر دەستێن وێ فێربووم، لێ ئەڤە نێزیكی سالەكێ یە ئەز و دایكا خۆ و خویشكەكا خۆ پێكڤە كاردكەین و گەلەك جۆرێن خوارن و شریناهیان، ب تایبەت ژی خوارنێن ئیرانی چێدكەین و من پەیجێ خۆ یێ تایبەت هەیە و ب رێكا ئۆنلاین دفرۆشم.
هەروەسا گۆت: ئەز دەرچۆیا زانكۆیێ مە، لێ من نەدڤیا بێكار بمینم و دایكا من ژی وەكو ماموستایەكێ بوو بو من لەورا من ژی دەستپێكر، چنكو كارەكێ جوان و پاقژە، هەروەسا نەیێ ب زەحمەتە ژی و هەر چەندە نوكە ئەم ل مال كاردكەین، لێ هیڤیا من ئەوە ل پاشەرۆژێ جهەكێ تایبەت بۆ چێكرنا خوارنان ڤەكەم.
