هەموو نەخوشێن کۆرۆنایێ ل دەربەندیخان باش بووینە
ئەڤرۆ نیوز:
سازان ئیبراهیم رێڤەبەرا ساخلەمیا قەزا دەربەندیخان بۆ دەزگەهێن راگەهاندنێ دیار کر کو هەموو نەخوشێن کۆرۆنایێ یێن سەر ب قەزا دەربەندیخانێ باش بووینە و نها چو نەخوش نەماینە و گۆت: (د ماوەیێ بۆری دا پشکنین بۆ ٥٠٠ کەسان ل دەربەندیخانێ هاتبوونە کرن و د ئەنجام دا ٣٣ کەس تووشی ڤایرۆسێ کۆرۆنا ببوون لێ نها هەموو باش بووینە).
ناڤهاتیێ دیار ژی کر کو رەوشا ژیانێ ل دەربەندیخانێ و دەوروبەرێن وێ رۆژ ب رۆژێ پتر ئاسایی دبیت و سوپاسیا هەموو ئالیان کر یێن کو د دەمێن بۆری دا هاریکاریا خەلکێ دەربەندیخانێ کربوون.
