وەرزشڤانەکێ دێرین: جوداهییا دەمی و زێدەکرنا هەلبژارتیێن پشکدار دێ خوەشیا مۆندیالێ تێکدەت
شاهۆ فەرید:
چاڤەرێ دهێتە کرن سوبەهی دەست ب هەڤڕکیێن مۆندیالا ٢٠٢٦ێ ل سێ وەلاتان بهێتە کرن ئەوا دێ ٤٨ هەلبژارتی بۆ جارا ئێکێ د دیرۆکا مۆندیالێ دا پشکداربن، ئێکەم یاریا موندیال دناڤبەرا مەکسیک و باشوری ئەفریقا بیت کو دهێتە هژمارتن مەزنترین ڕوودانا وەرزشی ل سەر ئاستی جیهانێ، ئەوا حەزژێکەرین وەرزشی هەر چار سالان چاڤەرێ دکەن، هەردەم مۆندیال بوویە جهێ پووتەدانا تایبەت بۆ هەموو جیهانێ، دبیت ڤێ مۆندیالێ پتر خوشیێ بخوە ڤە بگریت ژبەر دیتنا یاریا بینن ژبەر زێدەکرنا هەلبژارتیا، بەلێ بۆ هندەک ژ حەزژێکەرێن فوتبۆلێ دێ ئەڤە ئێک ژ موندیالێن نەخوەش بیت چونکۆ دووماهی مۆندیالە هەردو جەمسەرێن فوتبۆلێ ستێرا ئەرجەنتینی لیۆنێل مێسی و یێ پۆرتۆگالی کرستیانۆ رۆنالد پشکداریێ دکەن، رۆژنامەیا ئەڤرۆ بەردەوامە ل سەر وەرگرتنا بۆچوونێن جودا یێن شرۆڤەکار و وەرزشڤانێن دێرین، ئەڤجارە ژی بۆچوونا ماهر ئیسماعیل وەرزشڤانێ دێرین یێ پارێزگەهێ وەرگرتییە ئەوێ بڤی شێوەیی دیارکرییە.
ل دەسپێکێ ناڤهاتی گۆت: موندیالا ئەڤ سالە دێ تایبەتمەندیا خوە هەبیت، بەلێ ژبەر زێدەکرنا هەلبژارتیان چێدبیت ئەو تام و هێزا جاران نەبیت، جوداهییا دەمی ژی دێ کارتێکرنا خوە هەبیت بۆ دیتنا یاریا زانینا ئاستێ قارەمانیێ، هەڤرکی بتنێ دێ د ناڤبەرا هەلبژارتیێن هێز ئۆرۆپا و ئەرجەنتین و بەرازیل بیت، چونکۆ هندەک هەلبژارتیێن دی پشکداری کریە هەر ناڤ و دەنگ نینن.
ماهر ئیسماعیل نزارکی گۆت: هندەک هەلبژارتیێن تنێ بەس ناڤ پشکدارن و ئاست یێ ناوەندە وەکۆ ئیراقێ و سعودیێ و گەلکێن دیترێ، هەر هەلبژارتیەکێ ناڤ و دەنگ کۆمەکا یاریزانێن ستێر پشکداربووینە، جەماوەرێ وەرزشی دبیت خوەشیا جارا ژ دیتنا یاریا و ئاستێ هەلبژارتیان نەبینن، بەلێ یێن هەرە نێزیک بۆ دەستڤەئینانا ناسناڤێ ئاستێ ئێکی ئەرجەنتین و فەرەنسا و ئسپانیا و ئاستێ دویێ بەڕازیل و ئنگلتەڕا و پۆرتوگال و ئاستێ سیێ هەلبژارتیێن ئەفریقی مەغرب و سنیگال، هەسپێ رەش ژی دبیت قوناغا ٣٢ێ دیاربیت.
ناڤهاتی لسەر هەلبژارتیێ ئیراقێ گۆت ژی: پشتی بۆرینا ٣٩ سالان دووبارە یا پشکدارە، بەلێ یا ئەز دبینم دێ تووشی خوسارەتیێن مەزن بیت و دبیت بەرۆڤاژی بیت، چونکۆ ئەو هەلبژارتیێن کۆ کۆما وێ دا ب هێزن ئەڤ پێشبینیە دهێتەکرن.
ژلایەکێ دووڤە گۆت: وەکۆ پشتەڤانەکێ هەلبژارتیێ بەرازیل ئەز دبینم ئەو خۆێ یا موندیالێ بێ وێ تام نینە ئەڤە هەر ژ دەستپێکا موندیالێ ئەوا پشکدارە، ئەڤە بۆ ماویێ چەند سالایە ئاستێ وێ نە د جهێ باوەریا پشتەڤانا دایە، ڤەدگەریت بۆ چەند ئەگەرا هەبوونا گەندەلیێ دناڤ دام ودەزگەهێن وەرزشی، زاڵبوونا بەرژەوەندیێن تاکە کەسی ل سەر بەرژەوەندێن وەلاتی، دەست نیشانکرنەکا شاش بو هەلبژارتنا راهێنەران و هەروەسا فشارەکا زێدە ل سەر راهێنەری بۆ د هەلبژارتنا یاریکەران.
هەروەسان گۆت: پشتی هاتنا ڕاهێنەرێ ئیتالی کارلۆ ئەنشلۆتی یێ ئازادە ب دارێشتنا هزر و تەکتیکا خوە هەلبژارتنا یاریزانان دووڤ حەزا ویە فشار لسەر ناهێتەکرن، راستە فوتبۆلا بەرازیلی وەکۆ جاران ئەو تام و خوەشی نە مایە، نوکە زێدەتر لایێ بەرگێریێ گرنگیێ دەنێ لسەر کیستێ هێرشبەرێ، ئەم پشتەڤان هیڤیا ئەنشلۆتی بشێت رێگریێ ل هەلبژارتیێت ئۆرۆپا بگریت و سەرکەفتنا ل سەر تومار بکەت، چۆنکی بۆ ماوێ چەند سالانە بەرازیل قوربانیا هەلبژارتێن ئۆرۆپایە، بەلێ ێ ب شارەزهی و بهێنفرەهیا خوە ئەنشلۆتی دێ شێت سەرکەفتنا تومار کەت، جارەکا وێ باوەریا بەرزە ڤەگەرییت و بزاڤێ بکەت جەماوەرێ بەرازیل دل خۆش کەت و هەر چنە بیت بگەهتە چارگوشا زیرین.
