وەزارەتا ئاڤەدانکرنێ: دێ چەندین تونێلێن دی ل ھەرێما كوردستانێ هێنە دروست کرن
ئەڤرۆ نیوز:
وەزارەتا ئاڤەدانکرنێ و ئاکنجیکرنێ ل ھەرێما كوردستانێ دیار کریە: دروستکرنا چەندین تونێلان د کارناما پلانا چار سالێن كاركرنا وان دا هەیە، ھیڤی خوازین پشتی تێپەربوونا ڤێ رەوشێ بشێین پرۆژێن دروستكرنا وان تونێلان جێبەجێ بكەین.
هەروەسا گۆتیە: لدووڤ پلانا چار سالی یا وەزارەتا ئافەدانکرن و ئاکنجیکرنێ د کابینا نەهێ یا حوکمەتا ھەرێما کوردستانێ دا، دروستکرنا چەندین تونێلان د کارنامە و پلانا وان دا هەیە، ژ وان ژی: تونێلا کۆیە، تونێلا دەربەندیخان، تونێلا پێنجوین و تونێلا مەتینی.
ھیڤی دارین پشتی تێپەراندنا ڤی رەوشا گران یا ئابووری و باشبونا بارودۆخێ ئابووری یێ ھەرێما کوردستانێ، د دەمێ ژیێ ڤێ کابینێ دا دەست ب جێبەجێکرنا وان بکەین، ئەڤە سەرەرای تەمامکرنا وان تونێلێن کو پێشتر کار تێدا هاتیە کرن.
