پرتووكا (گەشتەك دگەل بیردانكێ) یا تێكۆشەرێ دێرین (عەبدولرەزاق گەرماڤی) هاتە بەلاڤكرن
شاكر ئەتروشی:
پرتووكا (گەشتەك دگەل بیردانكێ) یا پێشمەرگە و تێكۆشەرێ دێرین (عەبدولرەزاق گەرماڤی) كو ل ئیلۆنا سالا بۆری ب زمانێ عەرەبی هاتبوو بەلاڤكرن، دوهی ب زمانێ كوردی ژی هاتە بەلاڤكرن و نڤیسەرێ هێژا (تەحسین ئیبراهیم دۆسكی) ب كارێ وەرگێڕانا وێ رابوویە.
گەرماڤی، د داخویانیەكێ دا گۆت: ئەڤ پرتووكا ل رۆژا یازدەی ئیلۆنا بۆری ب هەلكەفتا سالڤەگەڕا شۆرەشا مەزنا ئیلۆنێ د رێ و رسمەكێ ژ هەژی دا مە ب زمانێ عەرەبی ل ژێرناڤێ (عبدالرزاق گرماڤی رحلە من الزمن) بەلاڤكربوو، لێ پشتی پرتووك بەلاڤبووی گەلەك كەسان، ب تایبەت ژی گەنجان داخواز كر ب زمانێ كوردی ژی هەبیت دا ئەو ژی بشێن مفای ژێ ببینن، لەورا ماموستا و نڤیسەرێ هێژا (تەحسین ئیبراهیم دۆسكی) رابوو ب وەڕگێرا وێ و مەكتەبا رێكخستنا پارتی ل دهۆكێ هنارتە تەهرانێ و ل وێرێ هاتە چاپكرن و پرتووك ل دۆر ژیانا من و رۆژا دەستبكاربوونا منە وەك پێشمەرگە د شۆڕەشا ئیلۆنێ دا و هەر تشتەكێ تێدا هاتبیتە نڤیسین ئەز ب خوە دناڤ وێ روودانێ دا بوویمە و نێزیكی پێنج سالان ئەز مژوولی نڤیسینا وێ بووم.