پشتی شێوەكار دمرن ژنوو بهایێ كەڤالێن وی دزانن
بێوار حەمدی:
هونەرمەندێ شێوەكار(مەروان شوكری) د دیدارەكێ دا بۆ رۆژناما ئەڤرۆ گۆت: دژیەكێ بچووكدا من حەزا چێكرنا وێنەیان هەبوو، لەورا بەردەوام وێنە ل سەر دیوارێن مالا خوە چێدكرن و ئەندامێن خێزانێ ژی هەموو پێكڤە د پشتەڤان بوون و چو ڕێگری ل من نەدكرن.
هەروەسا گۆت: ژبلی چێكرنا وێنەیان نوكە ئەز كارێ چێكرنا (پەیكەران، دیزاینێ، گرافیكی،سیرامیكی) ژی دكەم و ل دەمێ بۆری هندەك كەڤالێن خوە من فرۆتینە لێ نە ب وی بهایێ من دڤیا، ژبەركو ب شێوەیەكێ گشتی هونەر نانی نادەتە خودانی، بەلكو بەرۆڤاژی مرۆڤ پتر مەزاختنێ لێ دكەت و شێوەكارێن بەرێ ژی هندی د ساخ د هەژاربوون و ب هزاران كەڤال هەبوون، لێ پشتی وەغەركرین نوكە ژنوو بهایێ وان كەڤالان دزانن.
