په‌رله‌مان دێ كۆم بیت
ئه‌ڤرۆ نیوز، ئازاد نسری:
ل دووڤ راگه‌هاندنه‌كا په‌رله‌مانێ عیراقێ بڕیاره ئه‌ڤرۆ رۆژا چارشه‌مبی 21/11/2018 په‌رله‌مانێ عیراقێ روونشتنا خوه یا هژماره 14 ئه‌نجام بده‌ت.
هه‌روه‌سا د راگه‌هاندنا په‌رله‌مانی دا هاتیه كو به‌رنامێ روونشتنا په‌رله‌مانی ژ چار خالان پێك دهێت ئه‌و ژی ئه‌ڤه:
1. پێداچوون د وان تانان دا دێ هێته كرن یێن ل دۆر دروستیا هنده‌ك په‌رله‌مانتاران هاتینه لێدان.
2. ده‌نگدان ل سه‌ر دارێتنا شێوازه‌كێ تایبه‌ت ب بڕیارێن په‌رله‌مانی یێن به‌رێ ڤه یێن د به‌رنامێ كاری دا هێته دان ” لیژنا قانوونی”.
3. گه‌نگه‌شه‌كرنا بابه‌ته‌كێ گشتی ب به‌رهه‌ڤبوونا پارێزگه‌رێ بانكا ناڤه‌ندی و ئه‌ندامێن جڤاتا برێڤه‌برنێ و رێڤه‌به‌رێ بانكا بازرگانی یا عیراقێ.
4. هه‌روه‌سا بابه‌تێ خالێن گۆمركی ژی دێ هێته گه‌نگه‌شه‌كرن.
ل دووڤ راگه‌هاندنه‌كا په‌رله‌مانێ عیراقێ روونشتن ل ده‌مژمێر 1ی پشتی نیڤرۆ دێ هێته ئه‌مجامدان.